Әһли Бејт -АБНА- хәбәр аҝентлијинин вердији хәбәрә әсасән Фәләстин торпагларыны ишғал етмиш исраил режиминин кәшфијјат хидмәти МОССАД-ла бағлылығы илә танынан “Дебка” сајты Азәрбајҹанла Иран Ислам Респөубликасы арасында онсуз да үрәкачан олмајан мүнасибәтләри бир гәдәр дә ҝәрҝинләшдирә биләҹәк мәлумат јајыб.
Сајтын јаздығына ҝөрә, бу илин август ајынын 17-дә Иран Ислам Республикасынын Фордо јералты нүвә мәркәзиндә төрәдилмиш диверсијаја ҝөрә бу өлкәнин хүсуси хидмәт органларынын һәбс етдији үч нәфәр Азәрбајҹанда һазырлыг кечиб.
Һазырда сахланылан шәхсләрин јералты нүвә мәркәзинә ҝедән електрик нагилләринин партладылмасындакы ролу арашдырылыр. Мәлумат рәсми мәнбәләрдән һәләлик тәсдигини тапмајыб. Бәс хәбәр тәсдигләнәҹәји тәгдирдә ИИР Азәрбајҹана гаршы һансы аддымлары ата биләр?
Авро-Атлантик Шуранын сәдри Сүлһәддин Әкбәр мәлуматын дәгигләшдирмәјә еһтијаҹы олдуғуну билдирди. Јалныз ИИР тәрәфи мәлуматы тәсдигләјәндән сонра һадисәләрин һансы истигамәтдә инкишаф едәҹәјини еһтимал етмәк олар. Лакин һәр һалда әҝәр бу мәлумат тәсдигини тапса вә Фордо јералты нүвә мәркәзиндә төрәдилмиш диверсијаја ҝөрә сахланылан шәхсләр Азәрбајҹан вәтәндашлары олса, јахуд Азәрбајҹан әразисиндә һазырлансалар, истинтагын ҝедишиндә Азәрбајҹанла бағлы һансыса мәгам ортаја чыхса, шүбһәсиз ки, бу, ики өлкә арасында мүнасибәтләрә ҹидди тәсир едәҹәк.
Диггәт: Хәбәрдән истифадә етдикдә мәнбәјә истинад лазымдыр
