Әһли Бејт -АБНА- хәбәр аҝентлијинин вердији хәбәрә әсасән режимин зинданында јатан Азәрбајҹан Ислам Партијасынын сәдр мүавинин сәһһәтиндә ҹидди проблем јараныб.
Бу барәдә Исламинсеси.аз хәбәр порталына АИП Сумгајыт комитәсинин сәдри Вүгар Ибојев мәлумат вериб
Азәрбајҹан Ислам Партијасынын Сумгајыт комитәсинин сәдри Вүгар Ибојев Салјан шәһәри 5 сајлы ҹәзачәкмә мүәссисәсиндә АИП сәдр мүавини Ариф Гәнијевлә ҝөрүшүб.
А.Гәнијевин сәһһәтиндә проблем јараныб, психоложи ҝәрҝинлији вар. Бу да онун һагсызлыгла һәбс олунмасы илә әлагәдардыр. Дүздүр, һәбсхана рәһбәрлији она диггәт јетирир, һәтта она тибб мәнтәгәсинә вә Мәркәзи Хәстәханаја көчүрүлмәсини тәклиф етсә дә о, буну гәбул етмәјиб”- В. Ибојев билдириб.
Хатырладаг ки, јанварын 26-да Сумгајыт Шәһәр Мәһкәмәси Ариф Гәнијеви 1 ил 6 ај мүддәтинә азадлыгдан мәһрум едиб. Ариф Гәнијев биринҹи инстансија мәһкәмәнин гәрарындан апеллјасија шикајәти вермәјиб. Исламчы Салјандакы 5 сајлы Ҹәзачәкмә Мүәссисәсиндә сахланырды.
Бу илин ијунун 5-дә мәһкәмә Ариф Гәнијевин ҹәзадан вахтындан әввәл азадлыға бурахылмасы илә бағлы гәрар гәбул едиб вә ијунун 6-да Исламчы азадлыға чыхыб.
Лакин 30.08.2012 тарихдә әлијевләрин чыхартдыглары әдаләтсиз мәһкәмә гәрары илә А. Гәнијевин ҹәзадан вахтындан әввәл азад етмә һаггында һөкм ләғв едиләрәк јенидән һәбс олунуб.
Билдирәк ки, Ариф Гәнијев әлијевләр режими тәрәфиндән Ҹинајәт Мәҹәлләсинин 228.1 (ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) вә 234.1-ҹи (сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) маддәләри илә ШӘРЛӘНӘРӘК һәбс едилиб.
Диггәт: Хәбәрдән истифадә етдијдә мәнбәјә истинад лазымдыр
