Әһли Бејт -АБНА- хәбәр аҝентлијинин вердији хәбәрә әсасән дүнән Украјнанын пајтахты Кијевдә мүсәлманларын һиссләрини тәһгир едән «Мүсәлманларын ҝүнаһсызлығы» филминә етираз олараг АБШ сәфирлијинин гаршысында етираз аксијасы һәјата кечирилиб.
Аксијада «Әһли-Бејт Әлејһимус Салам» иҹмасынын рәһбәри Сејид Әһмәд, Украјнанын халг депутатлары, о ҹүмләдән Наталија Витренко вә онларын тәрәфдарлары иштирак едибләр.
Динҹ аксија АБШ сәфирлијинин јахынлығында һәјата кечирилиб. Һүгугмүһафизә органлары асајишин позулмамасына диггәт едибләр.
Етиразчылар АБШ һөкумәтиндән, әсасән дә президент Барак Обамадан бүтүн дүнја мүсәлманларындан үзр истәмәсини, һәмчинин филмин јајылмасынын гаршысынын алынмасыны вә бу филмин чәкилмәсиндә әли олан һәр кәсин ҹәзаландырылмасы тәләб олунуб.
Динҹ аксијада Азәрбајҹан, ИИР вә Фәләстин республикасынын һабелә үзәриндә “Ла Илаһә Илләллаһ”, “Ја Һүсејн” вә Украјнанын башга тәшкилатларын бајраглары далғаландырылыб.
Аксијанын сонунда иддиа вә тәбләрлә долу акт имзаланараг АБШ консуллуғуна ҝөндәрилиб.
Гејд едәк ки, аксија заманы Америка бајрағы јандырылса да, сәфир етиразчыларын јанына чыхмајыб.
Диггәт: Хәбәрдән истифадә етдијдә мәнбәјә истинад лазымдыр
