Әһли Бејт -АБНА- хәбәр аҝентлијинин вердији хәбәрә әсасән Ирландијанын “Дуннес Сторес” мағазалар шәбәкәсинин әмәкдашы һиҹаб тахмаға гадаға гојулдуғундан чалыша билмәјәҹәјини бәјан едиб.
Баллинколлиг шәһәрҹијинин сакини 35 јашлы Лорета Тавораите әсассыз ишдән говулдуғуна ҝөрә “Дуннес Сторес” мағазалар шәбәкәсинин баш офисини мәһкәмәјә вериб.
Әмәк мәсәләләри үзрә мәһкәмә мәсәләјә бахыб. “Дуннес Сторес” мағазалар шәбәкәсинин әмәкдашларынын ваһид ҝејим формасы олдуғундан мәһкәмә ҝејимдә дәјишиклик едилмәси барәдә гәрар гәбул етмәјиб.
Лорета Тавораите дәфәләрлә ширкәт нүмајәндәләри илә данышыглар апарса да, разылыг әлдә олунмајыб.
Лорета Тавораитенин вәкили Патрик Һоран шикајәтчинин иш планыны јеринә јетирмәјә һазыр олдуғуну, бунунла белә, “һиҹаб тахмаға иҹазә верилмәдијиндән буну едә билмәјәҹәјини” дејиб.
Диггәт: Хәбәрдән истифадә етдијдә мәнбәјә истинад лазымдыр
