Ушаглар севинҹлә мәктәбә ҝедәҹәк. Јени достлар, јолдашлар тапаҹаг. Амма... Амма һиҹаблы, мәсум ушаглар мәктәбә һәсрәтлә бахаҹаглар. Дүшүнүрләр ки, биз азәрбајҹанлы дејиликми? Гардашымыз әсҝәрлијә ҝедир, амма биз мәктәбә ҝедә билмәрикми? Бизим тәһсил алмаға һаггымыз јохдур? Биз өлкәнин бүдҹәсинә чәтинликлә олса белә верҝи өдәјирик, амма тәһсил ала билмәрик? Бизим динимиз камил диндир, елмә чох бөјүк јер верилир динимиздә. Јохса онлар руһани Һаҹы Абҝүл Сүлејмановун дедији кими, һиҹаблыларын тәһсилдә ҝөзәл нәтиҹәләр әлдә етмәләриндән горхурлар? Горхурлар ки, өз өвладларынын фикри башга јерләрдәдир, һиҹаблы шаҝирдләр онлардан даһа савадлы оларлар?
Ахы нә үчүн мәним һиҹабым Азәрбајҹан һакимијјәтинин гадағасы илә үзләшмәлидир. Өлкәмиз бир һалда ки, мүсәлман өлкәсидир, мәмурлар мүсәлман олдуғуну иддиа едирләр. Бу неҹә мүсәлманчылыгдыр ки, һиҹабла дүшмәнчилик едирләр. Һиҹабы мүдафиә едәнләри ағыр ҹинајәтләрлә иттиһам едиб һәбс едирләр. Әҝәр Аллаһла, Илаһи дәјәрләрлә дүшмәнчилик едирләрсә нијә атеист олдугларыны демирләр?!
Һиҹаб аксијаларында Аллаһын ваҹибини мүдафиә етдикләри заман өлүмүнә дөјүлмәклә үзләшмишдиләр. Ахы бу неҹә һакимијјәт мәмурларыдыр ки, мүсәлманчылыгла, мүсәлманларла, Аллаһын дини илә дүшмәнчилик едир, лакин өзләринин мүсәлман олдуғуну билдирирләр?
Ҝөзү јашлы һиҹаблы балалар һәсрәтлә мәктәб гапыларына баха-баха галырлар. Бу гәдәр мәзлум балаларын һаггыны мүдафиә етмәјә Азәрбајҹанда мөминләр јохдур? О мөминләр ки, дүнјаја ҝәлмәмишдән өнҹә Аллаһа әһд верибләр ки, динини мүдафиә едәҹәкләр. Јохдурму, динини Аллаһа хатир мүдафиә едәнләр?
Аллаһ Гуранда биз мүсәлманлара белә мүраҹиәт едир:
“Еј иман ҝәтирәнләр! Сизи ағрылы-аҹылы әзабдан хилас едәҹәк бир тиҹарәти сизә билдиримми? Аллаһа вә Онун Елчисинә иман ҝәтирин, Аллаһ јолунда малыныз вә ҹанынызла ҹиһад един. Билсәниз, бу сизин үчүн нә гәдәр хејирлидир. (Бу тәгдирдә) О сизин ҝүнаһларынызы бағышлајар вә сизи (ағаҹлары) алтындан чајлар ахан Ҹәннәт бағларына вә Әдн бағларындакы ҝөзәл мәскәнләрә дахил едәр. Бу, бөјүк мүвәффәгијјәтдир. Севдијиниз башга шеј дә вардыр: Аллаһ тәрәфиндән көмәк вә јахын гәләбә. Мөминләри (бунунла) мүждәлә. Еј иман ҝәтирәнләр! Аллаһын көмәкчиләри олун. Неҹә ки, Мәрјәм оғлу Иса һәвариләрә: “Аллаһ јолунда кимләр мәнә көмәкчи олаҹаг?”– демиш, һәвариләр дә: “Бизик Аллаһын көмәкчиләри!”– демишдиләр. Исраил оғулларындан бир зүмрә иман ҝәтирди, диҝәр бир зүмрә исә кафир олду. Биз дә иман ҝәтирәнләри дүшмәнләринә гаршы гүввәтләндирдик вә онлар үстүн ҝәлдиләр.” (Сәфф сурәси 10-14-ҹү ајәләр.)
Турал Әли
Диггәт: Хәбәрдән истифадә етдијдә мәнбәјә истинад лазымдыр
