Әһли Бејт -АБНА- хәбәр аҝентлијинин вердији хәбәрә әсасән Азәрбајҹанда һаким даирәнин Ислама гаршы сајғысызлығы давам етмәкдәдир. Хәбәр вердијимиз кими, Масаллыда бир нечә ҝүн өнҹә һәгигәти ишиыгландыран диндар журналист Араз Гулијев вә онунла јанашы даһа ики диндар мөмүн, полис органы тәрәфиндән тәгиб олунараг дөјүлмүш вә сонда ШӘРЛӘНӘРӘК полис шөбәсинә апарылараг барәләриндә “ҹинајәт” иши галдырылмышдыр.
Хәбәр44.ҹом-ун вердији мәлумата ҝөрә, дүнән тәхминән саат 18:30 радәләриндә башлајан вә гапалы кечирилән мәһкәмәдә Араз Гулијев вә Зија Таһиров диндирилиб. Мәһкәмәјә залына Араз Гулијев вә Зија Таһиров ҝәтирилиб. Рза Ағалы исә мәһкәмәјә ҝәтирилмәјиб.
Диндарларын мәһкәмә гаршысына топлашдыгын ҝөрән Масаллы РПШ-нын рәис мүавини Әлифаға Казымов полис ишчиләринә ҝөстәриш верәрәк диндарлары мәһкәмә гаршысындан узаглашдырыблар.
Араз Гулијевә дөвләтин тәјин етдији вәкил Гәһрәман Әлијев бу ҝүн вердији ачыгламада билдириб ки, Масаллы Рајон Мәһкәмәси диндарлар – “Хебер44.ҹом” сајтынын рәһбәри Араз Гулијев вә Рза Ағалы барәсиндә 2 ајлыг һәбс гәтимкан тәдбири сечилиб.
Вәкил даһа сонра Араз Гулијевин мәһкәмә залында етдији чыхыша ишарә едәрәк билдириб: “Араз Гулијев фестивала аид тәдбирдә дискотеканын, јарычылпаг рәггасәләрин јығышдырылмасыны тәләб едиб, милли адәт-әнәнәләрә, милли менталитетә һөрмәт етмәјә чағырыб. Һеч бир хулиганлыг етмәдијини, садәҹә етираз етдијини деди”.
Хатырладаг ки, сентјабрын 8-и ахшам радәләриндә Араз Гулијев вә Рза Ағалы Масаллы рајонунда бејнәлхалг фолклор фестивалы ады алтында милли вә мәнәви дәјәрләрә зидд тәдбирин кечирилмәсинә гаршы чыхмыш вә бу ишин Азәрбајҹан дејил мәһз ермәни менталитетинә ујғун олдуғуну вурғуламышдыр.
Диггәт: Хәбәрдән истифадә етдијдә мәнбәјә истинад лазымдыр
