Әһли Бејт -АБНА- хәбәр аҝентлијинин вердији хәбәрә әсасән Сијасәти Дин үзәриндә гуран Иран Ислам Республикасы “Аерокосмик” саһәдә даһа јени бир уғур кәсб едиб. Белә ки, Иран Ислам Республикасынын Аерокосмик Тәшкилатынын рәһбәри Меһди Фәрәһ, јахын ҝәләҹәкдә Иран Ислам Республикасынын 2 мин км учуш габилијјәтинә малик олан "Мешкат" ракетләринин күтләви истеһсалына башлајаҹағыны билдириб.
ИИР-ын истеһсалы олан Круз ракетләринин габилијјәти һаггында данышан Фәрәһ, бу ракетләрин учуш мәсафәсини даһа да инкишаф етдириб артырылмасын, тәшкилатын програмларынын приоритетләриндән бири олдуғуну гејд едиб.
Аерокосмик Тәшкилатынын рәһбәри Меһди Фәрәһ, тәшкилат олараг ракет истеһсалына 15 км мәсафә учушуна малик олан ракетләрлә башладыгларыны вә јаваш јаваш ирәлиләјәрәк Зәфәр, Нәср, Нур, Гәдәр вә Гәдир типли ракетләрини истеһсал етмәј баҹарығына малик олдугларын билдириб.
Һазырда 14 јени Круз ракетләри үзәриндә ишләрини давам етдирдикләрини ифадә едән Фәрәһ, јахын ҝәләҹәкдә Рәд вә Мешкат ракетләринин тәгдим едәҹәкләрини вурғулајыб.
Ҹәнаб Фәрәh даһа сонра 2 мин км учуш мәсафәсинә малик олан Мешкат ракетләринин Иран Ислам Республикасынын ән инкишаф етмиш ракетләриндән бири олдуғуну вурғулујуб.
Диггәт: Хәбәрдән истифадә етдијдә мәнбәјә истинад лазымдыр
