Әһли Бејт -АБНА- хәбәр аҝентлијинин вердији хәбәрә әсасән Түркијә Дәјанәт Вәгфы Ислам Арашдырмалары Мәркәзи (ИСАМ) вә Мармара Университети Орта Шәрг Арашдырмалары Институтунун әмәкдашлығы илә Ле Меридиан Отелиндә тәшкил олунан 'Әрәб Ојанышы вә Орта Шәргдә Сүлһ: Мүсәлман вә Христиан Перспективләр' конфрансда 19 өлкәдән Мүсәлман вә Христиан бирликләрин лидерләри, алимләри вә мүтәхәссисләри иштирак едиб
Истанбулда реаллашан, 19 өлкәдән мүтәхәссисләрин гатылдығы, сөздә Дини Лидерләр зирвәсинә һеч бир шиә лидер вә мүтәфәккирин гатылмамасы диггәт чәкиб.
Иран Ислам Республикасындан Ислам Ингилабы Рәһбәри, Дүнја Мүсәлманларынын Лидери, Ајәтуллаһ Хаменеинин вәкили Әли Әкбәр Вәлајәти, Иран Ислам Республикасынын кечмиш Ислам Шурасы Мәҹлисинин сәдри вә Ислам Ингилабы Рәһбәри мүшавири Ҝуламали Һаддад Адил, ИИР-ын Инсан Һүгуглары Шурасынын сәдри Мәһәммәд Ҹавад Лариҹани јығынҹаға дәвәт едиләнләр арасында иди. Лакин бу адлардан топлантыја гатылан олмајыб.
Ајәтуллаһ Систани дә нүмајәндә ҝөндәрмәди
Даһа әввәл һеч бир сијаси лидерлә ҝөрүшү гәбул етмәмәсинә бахмајараг Баш назир Әрдоғаны гәбул едәрәк тарихи бир ҝөрүшмәјә имза атан Ајәтуллаһ Систани бу топлантыја дәвәт едилән нүмајәндәси Кәрбәланын Имам Ҹүмәси Сејид Әһмәд Сафији топлантыја ҝөндәрмәјиб.
Топлантынын ачылышында чыхыш едән баш назир Әрдоған Бәһрејн вә Сәудијјә Әрәбистаны кими өлкәләрдә Шиәләрин тәзјиг вә зүлм алтында олмасындан тәк сөз белә данышмајыб.
Әрдоғанын Суријадакы һадисәләр үзәриндә дајанмасы, јығынҹағын һәдәфинин АК Партија һөкумәтинин Сурија сијасәтинә дәстәк ахтарыш сәјләри олараг шәрһ олунур.
Ливан, Бәһрејн, Јәмән вә диҝәр Әрәб өлкәләриндән дәвәт едилән танынмыш Шиә лидер вә мүтәфәккирләр дә јығынҹаға гатылмајараг Түркијәјә олан ҝүвәнләринин галмадығы месажыны верибләр.
Диггәт: Хәбәрдән истифадә етдијдә мәнбәјә истинад лазымдыр
