Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын “Сәһәр” телеканалынын Бакы офисинин журналисти Анар Бајрамовун азадлыға бурахылмасы илә бағлы мәлуматлар тәсдигини тапмајыб.
Исламчы журналистин вахтындан әввәл азад едилмәси фактыны онун гардашы Јашар Бајрамов тәсдигләмәјиб.
Ј.Бајрамов дејиб: “Мән Анарын бурахылдығыны мәтбуатдан охудум. Амма, бу, белә дејил. Анар бурахылмајыб вә јајылан мәлуматлар һәгигәти әкс етдирмир”.
Гејд едәк ки, бу ҝүн бәзи медиа васитәләри ИИР-ын “Сәһәр” телеканалынын Бакы офисинин журналисти Анар Бајрамовун вахтындан әввәл азадлыға бурахылмасы илә бағлы хәбәр јајыблар.
Хатырладаг ки, Анар Бајрамлы 1980-ҹи илдә Бакы шәһәриндә анадан олуб. 2008-ҹи илдән етибарән Иранын “Сәһәр” телеканалынын Бакы офисиндә журналист кими чалышан Анар Бајрамлы февралын 17-дә ШӘРЛӘНӘРӘК һәбс едилиб. Она, Азәрбајҹан Республикасы Ҹинајәт Мәҹәлләсинин 234-ҹү (Ганунсуз олараг наркотик васитәләри, психотроп маддәләри вә ја прекурсорлары һазырлама, истеһсал етмә, әлдә етмә, сахлама, дашыма, ҝөндәрмә вә ја сатма) маддәси илә БӨҺТАН АТЫЛАРАГ, 2 ил мүддәтинә азадлыгдан мәһрум едилмишди. Лакин аппелјасија шикајәти нәтиҹәсиндә 2 ил һәбс һөкмү 1 илә ендирилмишди.
Диггәт: Хәбәрдән истифадә етдикдә мәнбәјә истинад лазымдыр
