Суал-1: Гуранын нечә сурәси вар вә ајәләринин сајына ҝөрә ән бөјүк вә ән кичик сурәләр һансыдыр?
Ҹаваб: Гуранын 114 сурәси вар вә ајәләринин сајына ҝөрә ән кичик сурә “Бисмиллаһ”-ы илә дөрд ајәси олан “Ковсәр” сурәси, ән бөјүк сурә исә 286 ајәдән ибарәт олан “Бәгәрә” сурәсидир.
Суал-2: Пејғәмбәрә назил олан биринҹи вә ахырынҹы ајә һансыдыр?
Ҹаваб: Биринҹи назил олан ајә “Әләг” сурәсинин илк ајәси, ахырынҹы назил олан ајә исә “Маидә” сурәсинин 3-ҹү ајәсидир.
Суал-3: -Гуранын ән әзәмәтли ајәси һансыдыр?
Ҹаваб: Гуранын ән әзәмәтли ајәси “Бисмиллаһир-рәһманир-рәһим”дир.
Суал-4: Гуранын ән али ајәси һансыдыр?
Ҹаваб: Гуранын ән али ајәси “Ајәтәл-Күрси”дир.
Суал-5: Һәзрәт Муһәммәд (с.ә.в.в)-ин “бу сурә мәни гоҹалтды!” – дејә бујурдуғу сурәләр һансыдыр?
Ҹаваб: Һәзрәти Муһәммәд пејғәмбәрин “бу сурә мәни гоҹалтды” дедији сурәләр “Һуд”, “Вагиә”, “Мурсәлат” вә “Нәбә” сурәләридир.
Суал-6: Пејғәмбәрин “Бу ајә мәни гоҹалтды!” – дејә бујурдуғу ајә һансыдыр?
Ҹаваб: Бу, “Һуд” сурәсинин 112-ҹи ајәсидир.
Суал-8: Гуранын ән узун ајәси һансыдыр?
Ҹаваб: Гуранын ән узун ајәси “Бәгәрә” сурәсинин 282-ҹи ајәсидир.
Суал-9: Аллаһ тааланын һансы ады Гуранын сурәләри гәдәр (114 дәфә) бу илаһи китабда истифадә олунуб?
Ҹаваб: Аллаһ тааланын “Рәһим” ады Гурани-Кәримдә 114 дәфә тәкрар олунуб.
Суал-10: Гураны бир јерә јыған илк шәхс ким олмушдур?
Ҹаваб: Гураны бир јерә јыған илк шәхс Һәзрәт Әли әлејһиссаламдыр.
Суал-11: Гурана илк дәфә ераб, јәни һәрәкә гојан ким олмушдур?
Ҹаваб: Гурана илк дәфә һәрәкә гојан Әбул-әсвәд Дуәлидир.
Суал-12: Аллаһ тәрәфиндән јер үзүнә нечә китаб ҝәлиб?
Ҹаваб: Аллаһ тәрәфиндән јер үзүнә назил олан китаблар: 50 сәһифә Һәзрәт Шуејб әлејһиссалама, 30 сәһифә Һәзрәт Идрис әлејһиссалама, 20 сәһифә Һәзрәт Ибраһим әлејһиссалама, еләҹә дә Төврат, Инҹил, Зәбур, Гурани-кәрим назил олмушдур.
Суал-13: Нечә пејғәмбәрин ады Гуранда чәкилиб?
Ҹаваб: Бәзи пејғәмбәрләрин адлары Гуранда бир нечә дәфә ҝәлмишдир, о ҹүмләдән: Адәм пејғәмбәрин ады–18 дәфә, Нуһ–43 дәфә, Идрис–2 дәфә, Һуд–10 дәфә, Салеһ–9 дәфә, Ибраһим–69 дәфә, Лут–27 дәфә, Исмаил–11 дәфә, Әлјәсә–2 дәфә, Зул-кәфл–2 дәфә, Илјас–2 дәфә, Јунис–4 дәфә, Исһаг–17 дәфә, Јәгуб–16 дәфә, Јусиф–27 дәфә, Шүәјб–11 дәфә, Муса–163 дәфә, Һарун–20 дәфә, Давуд–16 дәфә, Сүлејман–17 дәфә, Әјјуб–4 дәфә, Зәкәријја–7 дәфә, Јәһја–5 дәфә, Исмаили Садигил-вәд 1 дәфә, Иса–26 дәфә вә Һәзрәти Мүһәммәд (сәлләллаһу әлејһи вә алиһи вә сәлләм)-ин мүбарәк ады 4 дәфә Мүһәммәд, бир дәфә исә Әһмәд ады илә зикр олунмушдур. Бүтүн пејғәмбәрләр ичәрисиндә 5 нәфәри “улул-әзм”, јәни шәриәт саһибләри олмушлар. Бүтүн нәби вә мүрсәл пејғәмбәрләрин ичәрисиндә ән фәзиләтлиси–онларын сонунҹусу Мүһәммәд ибни Әбдиллаһ (сәлләллаһу әлејһи вә алиһи вә сәлләм)-дир.
Суал-14: Һансы сурәләр Әнбијанын (пејғәмбәрләрин) ады илә адланыб?
Ҹаваб: “Һуд”, “Јусиф”, “Јунис”, “Ибраһим”, “Лоғман”, “Нуһ”, “Муһәммәд” сурәләридир.
Суал-15: Һансы сурәләр һејванларын ады илә адланыб?
Ҹаваб: “Инәк” (Бәгәрә), “Гарышга” (Нәмл), “Һөрүмчәк” (Әнкәбут), “Фил” “Ары” (Нәһл) сурәләридир.
Суал-16: Һансы сурәләр гијамәтин ады илә адланыб?
Ҹаваб: “Рәд”, “Һәшр”, “Ҹасијә”, “Вагиә”, “Гијамәт”, “Тәғабун”, “Нәбә”, “Гариә” вә “Зилзал” сурәләридир.
Суал-17: Һансы сурәләрдә ваҹиб сәҹдәләр вар?
Ҹаваб: Гуранын дөрд Сурәсиндә ваҹиб сәҹдә вардыр: 1-”Ән-нәҹм” (53-ҹү Сурә); 2-”Игрә” (96-ҹы Сурә); 3-”Әлиф-Лам-Мим Тәнзил” (32-ҹи Сурә); 4-”Һа-Мим Сәҹдә” (41-ҹи Сурә). Бу сурәләр әзаим ады илә мәһшурдур.
Суал-18: Гуран Пејғәмбәрә нечә дәфә назил олуб?
Ҹаваб: Гуран Пејғәмбәрә 2 дәфә назил олуб: бир дәфәјә (“Гәдр” сурәсинин илк ајәсинә ҝөрә) вә тәдриҹән (“Әсра” сурәсинин 106-ҹы ајәсинә ҝөрә).
Суал-19: Гуран охумаг үчүн һансы мүстәһәб әмәлләрә риајәт етмәк лазымдыр?
Ҹаваб: Гуран охујанда ашағыдакы шәртләрә риајәт етмәк лазымдыр:
1- Паклыг вә тәһарәт (дәстәмазлы олмаг); Әҝәр Гуран охујанда әлләрин онун јазыларына дәјмәси еһтималы верилсә, онда һөкмән ҝәрәк дәстәмаз алынмалыдыр.
2- Ағзын паклығы (дишләри фырчаламаг);
3- Ихлас үзүндән вә Аллаһа ҝөрә охумаг;
4- Гурандан габаг мәхсус дуалары охумаг;
5- “Нәһл” сурәсинин 98-ҹи ајәсиндә бујурулан “әузу биллаһи минәш-шејтаниррәҹим” сөзүнү дејәк.
6- Гураны үзүндән охумаг; һәтта әзбәрдән билсә белә; бу иш ҝүнаһларын бағышланмасына сәбәб олур.
7- Ҝөзәл сәс илә охумаг;
8- Әрәб ләһҹәси илә охумаг;
9-Гуран һәр бир мүсәлманын сәадәтә чатмағы үчүн бир програмдыр. Бу сәбәбдән һәр ҝүн ән азы он ајә охумасы јахшыдыр.
10- Мәнасына диггәт етмәк;
11- Аһәстә вә јаваш-јаваш охумаг;
12- Гуран охунан заман гулаг асмаг вә сүкут етмәк;
13- Сәҹдә ајәләринә чатанда сәҹдә етмәк;
14- Гураны хәтм етмәк (гуртармаг);
15- Гураны әзбәрләмәк;
16- Гураны мүнасиб јердә сахламаг;
17- Гуранын гаршысында әдәб гајдаларына риајәт етмәк;
18- Гуран охундуғундан сонра “сәдәгәллаһүл-әлијјул-әзим” демәк
19- Гуран охундугдан сонра дуа охумаг.
Суал-20: Нә үчүн Гуранын евләрдә охунмасы төвсијә едилиб?
Ҹаваб: Һәдисләрдә ҝәлиб ки, Гуран охумаг евләри нурани едәр, бәрәкәтини чохалдар. Мәләкләр орада һазыр олар, шејтанлар о евдән узаглашарлар. О ев асиман әһли үчүн нурани олар.
Диггәт: Хәбәрдән истифадә етдијдә мәнбәјә истинад лазымдыр
