Әһли Бејт -АБНА- хәбәр аҝентлијинин вердији хәбәрә әсасән Гошулмама Һәрәкатына үзв өлкәләрин лидерләри үзрә 16-ҹы Саммити бу ҝүн 31 август 2012 тарихиндә сәһәр Теһран вахты илә 10:00-да өз ишинә давам едиб.
Бу ҝүн Зирвә Топлантысынын сонунҹу ҝүнүдүр. Сәһәр ишинә башлајан Саммит Иран Ислам Республикасынын президенти ҹәнаб Мәһмуд Әһмәди Нежадын чыхышы илә баш тутуб. Гошулмама Һәрәкатынын 16-ҹы Саммитинин бу ҝүнкү иҹласында дүнјанын 120 өлкәсиндән ҝәлмиш һејәтләр вә али мәгамлы нүмајәндәләр тәмсил едибләр.
Бу ҝүнкү иҹласда чыхыш үчүн адларыны тәгдим едән бәзи өлкә президентләри вә өлкәсин тәмсил етдирән али һејәт башчылары, бејнәлхалг сәвијјәли лазымы мәсәләләр һаггында нәзәрләрин билдирибләр.
Хтырладаг ки, бу ҝүнә кими 63 нәфәр чыхыш үчүн ад јаздырмышдыр. Лакин вахтын азлығындан тәкҹә 30 јахын нүмајәндә чыхыш едә билиб.
Гејд едәк ки, ҝүнортадан сонра Гошулмама Һәрәкатына үзв өлкәләрин лидерләри үзрә кечирилән 16-ҹы Саммитиндә өлкә лидерләри вә нүмајәндәләри чыхыш етдикдән сонра Саммитин јекун мәрасими кечирилсин вә Зирвә Топлантысынын 701 бәнддән ибарәт бәјанијәси тәсдиг едиләҹәкдир.
Билдирәк ки, Зирвә Топлантысынын бәјанијәси артыг Һәрәкатын Експертләр иҹласында вә Хариҹи Ишләр Назирләри үзрә Саммитиндә өз тәсдигин тапмышдыр.
Диггәт: Хәбәрдән истифадә етдијдә мәнбәјә истинад лазымдыр
