Әһли Бејт -АБНА- хәбәр аҝентлијинин вердији хәбәрә әсасән мәтбуат конфрансында Иран Ислам Республикасынын Хариҹи Ишләр Назиринин мүавини Һүсејн Әмир Әбдүлләһјан билдириб: “Иран Ислам Републикасы Гошулмама Һәрәкатынын саммити заманы Суријада атәшкәс елан олунмасы тәклифи илә чыхыш едиб”.
Онун сөзләринә ҝөрә, ИИР-ын нүмајәндәси Суријада бөһрана сон гојулмасы үчүн атәшкәс елан едилмәси вә јахын 3 ај әрзиндә милли барышығын әлдә олунмасы үзрә данышыглар механизминин јарадылмасы тәклифи илә чыхыш едиб.
Һүсејн Әмир Әбдүлләһјан даһа сонра дејиб: “Бу тәклифлә бағлы Суријанын милли барышыг назири Әли Һејдәр вә мүхалифәтлә данышыглар апарылыб. Тәклиф, Гошулмама Һәрәкатына үзв өлкәләрин хариҹи ишләр назирләри вә дөвләт башчыларынын мүзакирәсинә верилиб. Јекун гәрар саммитин сонунда ачыгланаҹаг”.
Диггәт: Хәбәрдән истифадә етдијдә мәнбәјә истинад лазымдыр
