Әһли Бејт -АБНА- хәбәр аҝентлијинин вердији хәбәрә әсасән Иран Ислам Републикасында ишҝүзар сәфәрдә олан БМТ баш катиби Пан Ҝи Мун Теһранын “Меһрабад” һава лиманында журналистләрә ачыгламасында дејиб: “Иран Ислам Республикасы реҝионал бөһранларын һәллиндә мүһүм васитәчилик ролуну ојнаја биләр”
Белә бир мөтәбәр тәдбирә дәвәт едилдији үчүн Иран Ислам Республикасына тәшәккүр едән П.Ҝ. Мун билдириб ки, Гошулмама Һәрәкатына үзв өлкәләрин дөвләт башчыларынын ХВЫ зирвә топлантысынын Теһранда кечирилмәси мүһүм әһәмијјәт дашыјыр.
О, билдириб: “Үмид едирәм ки, Иран Ислам Республикасынын јүксәк сәвијјәли рәсмиләри илә конструктив мүзакирәләр едәҹәјик. Даһа чох да ИИР мәдәнијјәти вә тарихини өјрәнмәк истәјирәм”.
Гејд едәк ки, БМТ баш катибини һава лиманында Иранын БМТ-дәки даими нүмајәндәси Мәһәммәд Хәзаи, сәһијјә назири Мәрзијә Ваһид Дәстҹерди вә Теһран валиси Мүртәза Тәмәддүн гаршылајыб. Онун буҝүнкү програмында ИИР-нын Ислам Шурасы Мәҹлисинин спикери Әли Лариҹани вә ИИР Али Милли Тәһлүкәсизлик Шурасынын катиби Сәид Ҹәлили илә ҝөрүшләр вар.
Диггәт: Хәбәрдән истифадә етдијдә мәнбәјә истинад лазымдыр
