Әһли Бејт -АБНА- хәбәр аҝентлијинин вердији хәбәрә әсасән јахын вахтларда сосиал шәбәкәләрдә белә бир хәбәр јајылмышдыр: “Азәрбајҹанда фәалијјәт ҝөстәрән өзәл түрк лисејләринин мәзунларынын аттестатларынын Полис Академијасы тәрәфиндән танынмыр.”
Мәлуматда билдирилирди ки, аттестатларын гәбул едилмәмәсинә сәбәб, ады чәкилән мәктәбләрин нурчу тәригәтинә аид шәхсләрин нәзарәтиндә олмасы илә әлагәдардыр. Һәмчинин ону да гејд едәк ки, Азәрбајҹанда фәалијјәт ҝөстәрән Гафгаз Университети вә түрк лисејләринин дә һазырда АБШ-да јашајан Фәтуллаһ Ҝүләнин нәзарәти алтында олдуғу билдирилирди.
Аттестатларын Полис Академијасы тәрәфиндән гәбул олунмамасы илә бағлы фактхебер.орҝ ДИН-ин мәтбуат хидмәтинин шөбә рәиси Орхан Мансурзадә илә әлагә сахлајыб. ДИН рәсмиси гејд едиб ки, бу барәдә јајылан мәлуматларын һеч бир әсасы јохдур: “Өлкәдә фәалијјәт ҝөстәрән истәнилән орта мәктәбин вә лисејләрин аттестатлары Полис Академијасы тәрәфиндән танынараг гәбул олунур.”
Диггәт: Хәбәрдән истифадә етдикдә мәнбәјә истинад лазымдыр
