Әһли Бејт -АБНА- хәбәр аҝентлијинин вердији хәбәрә әсасән Британијанын “The Telegraf” гәзетинин јајдығы мәлуматлара ҝөрә, ИИР-ин дини лидери, Дүнја Мүсәлманларынын Рәһбәри Ајәтуллаһ –узма Сејид Әли Хаменеи ҝуја Азәрбајҹанда террор әмәлијјатларына фәтва вериб.
Мөвзу илә бағлы Исламинсеси.аз сајтына ачыглама верән Азәрбајҹан Ислам Партијасы (АИП) сәдринин биринҹи мүавини Ингилаб Әһәдли вурғулады:
Әввәла, террорун нә олдуғуну арашдыраг. Һз.Пејғәмбәрдән бу ҝүнә гәдәр мәсум имамлара, дини рәһбәрләрә, алимләрә олан террорлара нәзәр салаг. Һз. Пејғәмбәрин Мәккәдән Мәдинәјә һиҹрәти заманы дүшмәнләри она гаршы террор планлашдырмишдылар. Пејғәмбәр (с) Һәзрәт Әлијә онун јериндә јатмасыны тапшырыр. Һәзрәт ҹавабында сорушур ки, бунун сизә вә динимизә бир хејри вармы? “Бәли” ҹавабыны аландан сонра “баш үстә” дејиб пејғәмбәрин јатағында јатды. Аллаһ Пејғәмбәри бу јолла горуду. Бәгәрә сурәсинин 207-ҹи ајәси Әли Ибн Әбуталибин бу шүҹаәтинә һәср олунуб. Заман-заман бу террор ҹәһди Пејғәмбәрин өвладларына гаршы едилди. Бу ҝүн дә дини,миллијәти олмајан террорҹулары ислам рәдд едир. Амма ҹәсарәт, шүҹаәт, мәрдлик, мүбаризлик вә залыма бојун әјмәмәк Һз. Имам Һүсејнин мәктәби Кәрбәла һадисәсиндән галыб. Ислам рәһбәриләринә ләкә јахмаг дин дүшмәнләрин ишидир. Пејғәмбәр дөврүндән бу ҝүнә гәдәр мөвҹуд олан Ислам дүшмәнләри бүтүн мүсәлманлара мәлумдур. Азәрбајҹанын талеји, дөвләтин инкишафы, мүстәгиллији исә јахын гоншу дөвләтләрлә стабил мүнасибәтләрдән аслыдыр. Јери ҝәлмишкән гејд едим ки, Сејид Әли Хаменеи тәкҹә Иранын дејил, бүтүн дүнја мүсәлманларынын рәһбәридир. Онун Азәрбајҹанда рәһбәрин јүз минләрлә тәглидчиси вар. Јәни ондан шәри, дини, фәрди, иҹтимаи мәсәләләри өјрәнирләр. Вә бу ҹүр шәхсијјәтә белә бөһтанларын атылмасы гәбуледилмәздир. Бу, итин ҝүнәшә һүрмәсинә бәнзәјир. Мән үмүдварам ки, Азәрбајҹан халгы, мүсәлманлары бу бөһтаны, бу шантажы гәбул етмәјәҹәк, бөһтанчылары ләнәтләјәҹәкләр. Ону да јаддан чыхартмаг олмаз ки, Азәрбајҹанын ән ағыр ҝүнләриндә о рәһбәр Ирандан халгымызын көмәјинә јетишмәк әмри вермишди. Гарабағ савашына силаһ вә ҹанлы гүввә сарыдан дәстәк мәһз дини рәһбәрин истәји илә һәјата кечирилмишди. Буна көлҝә салмаг истәјәнләрин мәгсәди Азәрбајҹаны реҝионда көмәксиз ҝөрмәк вә тәкләмәк нијјәтиндә оланлардыр. Исраил вә Америка ҝуја бизи мүдафијә етмәк үчүн өз һәрби базаларыны сәрһәд бөлҝәләриндә јерләшдирмәк истәјир. Бунун архасында мүтләг чиркин әмәлләр, чиркин шантажлар дурур. Мәгсәд халгымызын ичәрисиндә хаос, горху јарадараг өз чиркин панларыны һәјата кеширсинләр. Бөјүк Биртанија дини әгидәси билинмәјән, тарихән ислама дүшмән кәсилән бир мәмләкәт өзүнү ҝуја өлкәмизин гајғысына галмыш ҝөстәрәрәк елә бир бөјүк шәхсијјәтин адына бөһтан атыр. Мән шәхсән бу бөһтанын сәбәбини сон ҝүнләрдә Сејид Әли Хаменеинин Азәрбајҹанын әзәли мүгәддәс Гарабағ торпагларынын ҝери алынмасынын ваҹиблији вә бурада дөјүшән әсҝәрин һәлак олаҹағы тәгдирдә шәһид олмаг кими јүксәк мәгама јетишәҹәји һаггында фәтвасы илә әлагәләндирирәм.
Тарих боју инҝилсләр динимизиә дүшмәнчилик едибләр. Онлар бу ҝүндә торпагларымызын ишғалдан азад олунмасында мараглы дејилләр. Чүнки бундан христиан тәәссүбкешләри Азәрбајҹаны тәзјиг алтында сахламаг нијјәтини ҝүдүрләр. Аллаһын халгымыза бәхш етдији сәрвәтләримизи гәсб етмәк үчүн бизә јахынлашыб “дост”ады алтында һәр заман оғру сијәсәтләрини давам етдирибләр. Оғруларын бир һијләләри вар , оғру әҝәр сәнин евини оғурламағы, сәрвәтини гәсб етмәк истәјирсә илк һалда сәнинлә дост олур. Даһа сонра сәнә елә бир зәрбә вурур ки, бу сәнә өмрүн боју дәрс олур. Бу ҝүн белә оғрулардан, дырнагарасы достлардан еһтијатлы олаг ки, онларын сону дүшмәнчыликдыр. Дәрк етмәлијик ки, ани гәфләтимиз бизи зәләләтә апарар, оғрунун шикарына чевирәр. Инҝилтәрәнин, Американын достлугда “сәдагәтини” Мисир һадисәләриндә, өнҹә исә Ирагын ишғалы, Сәддамын едамында, Ливија вә онун президенти Гәддафинин агибәтиндә ҝөрдүк, Исраилин Түркијәјә “мүттәфиглик” мәгамы өзүнү “Мави Мәрмәрә” ҝәмисиндәки түрк вәтәндашларын гәтлиамында ҝөстәрди. Бу ҝүн Азәрбајҹана дост дејәнләр халгымыз, дөвләтимизә рәғмән дејил, нефтимизә, сәрвәтләримизә ҝөрә дилә, ҝәләнләрдир. Бундан өтрү беләләри Ираны, бираздан Түркијәни, динин әзиб рәһбәрләрини бизләрә дүшмән кими тәгдим едәр, јүксәк етимады сындырмаға чалышарлар. Бизим, халгымызын, һакимијјәтдә дуранларын ән үмдә, илкин вәзифәси досту дүшмәндән ајырмаг, Азәрбајҹаны сечәнләрлә севәнләрә севәнләрә фәгләндирмәкдир”.
Диггәт: Хәбәрдән истифадә етдикдә мәнбәјә истинад лазымдыр
