Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Азәрбајҹана јени тәјин олунмуш сәфиринин Бакыја ҝәлмә вахты мәлум олуб.
Бу һаггда Ислам Республикасынын Азәрбајҹандакы сәфирлијинин мәтбуат хидмәтинин рәһбәри Аббас Исҝәндәри мәлумат вериб.
Аббас Исҝәндәри билдириб ки, сәфир Мөһсин Пак Ајин јахын һәфтә әрзиндә Бакыја ҝәлмәси планлашдырылыр. Јени сәфир бундан әввәл Иранын Таиландда, Өзбәкистанда вә Замбијада фөвгәладә вә сәлаһијјәтли сәфири ишләјиб.
О, Давуд Чәрминин Иран Ислам Республикасынын Азәрбајҹандакы сәфирлијиндә сәфирин мүавини вә мүвәггәти ишләр үзрә вәкил кими ишә башлајаҹағыны да тәсдигләјиб.
Хатырладаг ки, Ислам Республикасынын бундан әввәлки сәфири Мәһәммәдбагир Бәһраминин ҹари илин ијунунда миссјасы баша чатыб. Һәмчинин сәфирин кечмиш мүвәггәти ишләр үзрә вәкили Сејид Әли Мусәвини олуб.
Диггәт: Хәбәрдән истифадә етдикдә мәнбәјә истинад лазымдыр
