Әһли Бејт -АБНА- хәбәр аҝентлији- Јәгин, һеч кәсә сирр дејил ки, ганунвериҹилијә әсасән, Азәрбајҹанда дөвләт поликлиникаларында вә хәстәханаларында мүалиҹә өдәнишсиз әсасларла апарылмалыдыр. Реаллыгда исә белә олмадығы да һеч кәсә сирр дејил. Амма һәр шејин бир һәдди олмалыдыр.
Бу ҝүнләрдә Сабирабад рајонундан олан Гарајевләр аиләсинә ағыр итки үз вериб. Аилә башчысы Надир Гарајев дүнјасыны дәјишиб. Ону ағыр вәзијјәтдә тибб мүәссиәләриндән биринә ҝәтирибләр, аилә үзвләринә дејибләр ки, үрәјиндә 15 мин манатлыг әмәлијјат олунмалыдыр. Өзү дә һәкимләр пулу бәрибашдан истәјибләр.
Надир Гарајевин гызы Севинҹ Гасымованын сөзләринә ҝөрә, аиләнин пула һејфи ҝәлмәјиб вә лазым олан мәбләғ бир ҝүн мүддәтиндә топланыб. Бундан сонра әмәлијјат башлајыб. Амма хәстә әмәлијјат масасында дүнјасыны дәјишиб: “”Пулумузу гајтармамалары бәс дејил, үстәлик, әлавә мин беш јүз манат истәдиләр. Һәким деди ки, әмәлијјат заманы чәтинлик јараныб вә онлар сүни тәнәффүс апаратындан истифадә едибләр, бу исә, пул демәкдир”.
Поликлиникаларда хидмәтләр дә һавајы дејил. Дүздүр, һәкимләр бурада зорла пул гопармырлар, амма профилактик мүалиҹә үчүн дә өдәмәк лазым ҝәлир.
Рамилә Кәримованын 65 јашы вар. Һәјаты боју бир дәфә дә олсун, ағрымајыб. Амма 60 јашында она бағырсаг кечмәмәзлији диагнозу гојублар вә гадын ағыр әмәлијјат кечирмәли олуб. Амма мәсәлә бунунла битмәјиб. Хәстәханадан чыхандан сонра она ев шәраитиндә мүалиҹә јазыблар. Һәким она чохлу ијнә јазыб вә тибб баҹысы тапмағы мәсләһәт ҝөрүб.
Рамилә ханым данышыр: “Мән анлајырдым ки, тибб баҹысынын хидмәтләри үчүн пул өдәмәлијәм. Амма дүшүнмүрдүм ки, она дәрманлара үмумиликдә хәрҹләдијимдән даһа чох пул вермәлијәм. Мүалиҹә курсундан сонра тибб баҹысы мәним гаршыма 200 манатлыг һесаб гојду. Шокда идим. Дүз үч ај сонра онунла һесаблашдым, чүнки әмәлијјатдан сонра мәндә о гәдәр дә пул галмамышды”.
Тибб баҹысы хидмәтләринин гијмәтини өјрәнмәк үчүн онлардан биринә мүариҹәт етдик. Адилә Әмированын 30 иллик иш тәҹрүбәси вар, бүтүн һәјаты боју поликлиникада ишләјиб.
Адилә Әмированын сөзләринә ҝөрә, әзәләдахилинә вурулан бир ијнәнин гијмәти 1, дамара вурулан 1 ијнәнин гијмәти 3 манатдыр. Систем гојмаг даһа баһадыр. Ахы бу һалда хәстәнин јатағынын јанында бир нечә саат отурмаг вә просесә нәзарәт етмәк лазымдыр. 200 грамлыг дамҹы үчүн 5, 500 грамлыг үчүн 10 манат алырлар.
Дөвләт поликлиникаларында һәким вә УЗИ гијмәтләри дә уҹуз дејил. Кардиограмын гијмәти 5-10 манат, УЗИ-нин гијмәтләри 15-20 манатдыр. Һәкимин поликлиникадан чағырылмасы 20 манатдыр. Әҝәр ганунла сизә дүшән хәстәлик бүллетени алмаг истәјирсинизсә, 30-50 манат “тәрләмәјиниз” лазымдыр. Үмуми ган анализи, шәкәрин вә һемоглабинин мигдарынын мүәјјән едилмәси дә һавајы дејил. Адәтән бу анализләр хүсуси апаратларын көмәји илә едирләр. Шәкәр вә һемоглабинин өјрәнилмәси – 5-10, үмунми ган анализи исә 15 манатдыр.
Томографијаны вә ја енсефалограмы дөвләт хәстәханасында өдәнишсиз едә биләҹәјинизи дүшүнүрсүнүзсә, чох јанылырсыныз. Адәтән бу хидмәтләри һәјата кечирән һәкимләр апаратлары өз пулларына алдыгларыны дејирләр. Она ҝөрә дә пул өдәмәк лазымдыр. Белә ки, компјутер томографијасы 70-110, енсефалограм 30 манатдыр.
Дөврүмүздә нисбәтән уҹуз диганостика васитәси рентҝендир. Һансы әзанызы јохламаныздан асылы олмајараг, гијмәти 10 манат вә јухарыдыр.
Експертләрин фикринҹә, мәҹбури сығорта системи тәтбиг олунмајынҹа, тибб саһәсиндә коппупсија актуал олаҹаг. Һәтта бунунла бағлы ганун да гәбул олунуб. Амма ҝөрүнүр, мәмурлар ону һәләлик, тәтбиг етмәјә тәләсмирләр.
Диггәт: Хәбәрдән истифадә етдикдә мәнбәјә истинад лазымдыр
