Әһли Бејт -АБНА- хәбәр аҝентлијинин вердији хәбәрә әсасән Авропа мәһкәмәсиндә Азәрбајҹан Ислам Ојаныш Һәрәкатынын Баниси, Азәрбајҹан Ислам Партијасынын Лидери Доктор Мөвсүм Сәмәдовун һүгугларыны Анар Гасымлы илә бирҝә дүнја шөһрәтли франсалы вәкил Андре Чами дә мүдафиә едәҹәк. Бу барәдә ФактХебер.ҹом-а Исламчыларын Һүгугларынын Мүдафиә комитәсинин сәдри Натиг Кәримов мәлумат вериб.
Комитә сәдринин билдирдијинә ҝөрә Андре Ҹами артыг ики ҝүндүр ки, Бакыдадыр: “Франсалы вәкил Бакыда олдуғу мүддәтдә Мөвсүм Сәмәдовун вәкили Анар Гасымлы, һүгуг мүдафиәчиси вә Инсан һаглары Уғрунда Иҹтимаи Бирлијинин сәдри Ејнулла Фәтуллајев, ДЕВАММ сәдри Илгар Ибраһимоғлу илә ҝөрүшләр кечириб. Ҝөрүшдә Мөвсүм Сәмәдовун иши илә бағлы мүзакирәләр апарылыб. Ејни һалда онун Мөвсүм Сәмәдовун иши илә бағлы 31 суалы вәкили вә һүгуг мүдафиәчиләри тәрәфиндән ҹавабландырылыб.”
Натиг Кәримов ону да билдирди ки, Мөвсүм Сәмәдовун мәһкәмә просеси заманы баш верән ганун позунтулары вәкил Андре Чамини һејрәтләндириб: “Вәкилә баш верән ганун позунтулары һаггында мәлумат вердикдән сонра, о, тәәҹҹүбүнү ҝизләдә билмәди. Андре Чами билдирди ки, о көнүллү олараг Мөвсүм Сәмәдовун һүгугларыны мүдафиә етмәк гәрарына ҝәлиб. Баш верән һагсызлыглар ону мәсәләјә биҝанә јанашмамаға вадар едиб. Ејни һалда, Андре Чами АШПА-нын Азәрбајҹанда сијаси мәһбуслар үзрә мәрузәчиси Кристофер Штрассерлә ҝөрүшәрәк Мөвсүм Сәмәдовун иши илә бағлы мүәјјән мүзакирәләр апарыблар. Вәкил билдирди ки, Мөвсүм Сәмәдов сијаси мәһбусдур вә онун дәрһал азадлыға бурахылмасы үчүн әлләриндән ҝәләни едәҹәкләр.”
Гејд едәк ки, бундан сонра Мөвсүм Сәмәдовун иши Авропа Мәһкәмәсиндә ики вәкил тәрәфиндән мүдафиә едиләҹәк. Онлар Азәрбајҹан кифајәт гәдәр танынмыш вәкил Анар Гасымлы вә дүнјада бир чох сијаси лидерләрин вәкили олмуш Андер Чамидир.
Диггәт: Хәбәрдән истифадә етдикдә мәнбәјә истинад лазымдыр
