Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Ислам Партијасы Бинәгәди рајон Комитәси - һиҹаб шәһиди Вагиф Абдуллајевин хатирәсинә ифтар сүфрәси вериб. Бу барәдә Исламинсеси.аз-а АИП Бинәгәди рајон Комитәсинин сәдри Рөвшән Нури мәлумат вериб.
АИП Бинәгәди рајон Комитәси тәрәфиндән тәшкил олунан мәҹлисдә АИП сәдр әвәзи, сәдр мүавинләри һәмчинин Вагиф Абдуллајевин аиләси, јахынлары вә гоһумлары иштирак едибләр. Мәҹлисдә АИП Бинәгәди рајон Комитә сәдри Рөвшән Нури һиҹаб шәһидинин аиләсинә, јахынларына дәрин һүзнлә башсағлығыны билдирәрәк, руһуну јад едиб.
Сонда салаватлар зикр едиләрәк, Комитә сәдри Һаҹы Рөвшән Нури инсанларын илаһи тәгва илә јашамасы, Ислам торпагларынын, о ҹүмләдән, Гарабағын вә Гүдсүн азадлығы үчүн, хәстәләрин шәфа тапмасы үчүн дуа етмишдир. Мәрасим зәманә саһиби Имам Саһиб-әз-Заманын (ә.ф.) ҝәлишинин тезләшмәсини ифадә едән “Фәрәҹ” дуасынын ҹәмлә охунмасы илә баша чатмышдыр.
Гејд едәк ки, мәрасим боју Вагиф Абдуллајевин вәфаты бир даһа анылмыш, мәрһумун руһуна гуран тилавәт олунмушдур. Бу али мәгамлы һиҹаб шәһидинин руһу салаватлар вә дуаларла хатырланмышдыр.
Диггәт: Хәбәрдән истифадә етдикдә мәнбәјә истинад лазымдыр
