Әһли Бејт -АБНА- хәбәр аҝентлијинин вердији хәбәрә әсасән Азәрбајҹанын мүхтәлиф бөлҝәләринә күтләви шәкилдә күрд аиләләринин көчүрүлмәси просеси давам едир.
“Һүријјәт” гәзетинин сон сајында јајылмыш мәлуматында бидирилир ки, күрд аиләләри Бакынын Бузовна гәсәбәсинә көчүрүлүр.
Мәлуматда дејилир: Онлар гәсәбәнин ән бахымлы әразиләриндә јерләшдирилири вә тәсәррүфатла тәмин едилирләр. Мәскунлашдығы әразиләрдә јерли әһали илә тәмаслардан гачан, һәддиндән артыг давакар олан јени аиләләр әввәлләр Ырагда јашајыблар. Көчүрүлән күрд аиләләри јерли әһали илә јалныз дава вә интиригалар заманы үз-үзә ҝәлирләр. Вәтәндашларын сөзләринә ҝөрә, гарагабаг, сәрт, кобудлуг вә ләһҹәләри илә сечилән бу адамларын һеч бир гајда вә гануна мәһәл гојмамасы јерли әһалинин наразылығына сәбәб олур.
Азадлыг.аз сајтынын јаздығына ҝөрә исә даһа 120 күрд аиләси Лерик рајонуна, 70 күрд аиләси илә Губанын Алпан кәндинә көчүрүлүб. Бу аиләләрин һарадан ҝәлдији бәлли дејил. Онларын ПКК илә илишҝиләринин олуб-олмадығы да билинмир. Бәлли олан одур ки, Лерикә вә Губаја көчүрүлән күрд аиләләри ән јүксәк сәвијјәдә һимајә олунурлар. Онлара да Бузовнаја көчүрүлән күрд аиләләри кими ән јахшы әразиләр ајрылыр вә бу аиләләр тәсәррүфатла тәмин олунурлар.
Гејд едәк ки, ишғалчы исраил режиминин кечмиш баш назири Исаг Рабинин хариҹи сијасәт үзрә мүшавирләриндән бири, истефада олан кәшфијјат забити Жак Нериа тәрәфиндән гәләмә алынмыш “Jerusalem Center for Public Affairs” тәрәфиндән һазырланан һесабатда гејд олунур: “Јахын Шәргә сәпәләнмиш күрдләрин ән аз бир дөвләт гурмаға һагглары вардыр вә гурулаҹаг дөвләт Исраилин марагларына ҹаваб верир”.
Нериан һесабатында дејир: “Јахын Шәргдә баш верән олајлар күрдләрин Ирагдан сонра инди дә Суријада дөвләт гурма ҹәһдләрини сүрәтләндирир”.
Истефада олан кечмиш кәшфијјат забити Јахын Шәргдәки 35 милјон күрдүн ән аз бир дөвләт гурмаг һаггынын танынмалы олдуғуну билдириб.
Хәбәрлә әлагәдар бу линки охујун: АБШ Ермәнистан вә Азәрбајҹанын бир һиссәсин Бөјүк Күрдүстана верәҹәк
Диггәт: Хәбәрдән истифадә етдикдә мәнбәјә истинад лазымдыр
