Әһли Бејт -АБНА- хәбәр аҝентлијинин вердији хәбәрә әсасән 9 август 2012 тарихиндә Теһранда Иран Ислам Республикасынын тәшәбүсү илә 29 өлкә нүмајәндәләринин иштиракы илә Суријадакы бөһранын һәлли мәгсәди үчүн Бејнәлхалг Конфранс кечирилиб.
Конфранса Чин, Русија, Беларус, Мавританија, Индонезија, Гырғызыстан, Ҝүрҹүстан, Түркмәнистан, Бенин, Шри-Ланка, Еквадор, Әфганыстан, Пакистан, Әлҹәзаир, Ираг, Замбија, Оман, Венесуела, Таҹикистан, Һиндистан, Газахыстан, Ермәнистан, Никарагуа, Куба, Судан, Иорданија, Тунис, Фәләстин вә БМТ-нин Теһрандакы нүмајәндәси гатылыб.
Тәдбирдә Суријадакы гаршыдурманын дајандырылмасы үчүн игтидар вә террор дәстәләрл илә диалогунун башланмасы зәрури сајылыб
Мүзакирәләрә ев саһиблији етмәјә һазыр олдуғуну гејд едән Иран Ислам Республикасы топланты иштиракчылары илә бирҝә бәјанат гәбул едиб.
Бәјанатда дејилир: “Суријадакы бөһранын һәлл едилмәси үчүн һәр ҹүр хариҹи мүдахиләјә гаршыјыг. БМТ-нин Сурија үзрә кечмиш нүмајәндәси Кофи Аннанын 6 маддәлик планынын тәтбиг олунмасына тәкид едирик.
Сурија халгынын дәрдини сакитләшдирмәк мәгсәди илә, Сурија дөвләтинин разылығы чәрчивәсиндә бу өлкәјә ҹанлы јардымларын ҝөстәрилмәсинин зәрури олдуғуну билдирән бәјанатда даһа сонра дејилир: “Суријаја мүхтәлиф террор группаларынын јеридилмәси, бу өлкәдә проблемләрин даһа да аловланмасына вә Јахын Шәргдә сабитсизлијин һөкүм сүрмәсинә сәбәб олаҹаг...”
Сонда конфрансда иштирак едән мүхтәлиф өлкә нүмајәндәләри Иран Ислам Республикасынын һүманист аддым атараг Сурија Мәсәләсинин дүзҝүн һәлли үчүн бәрпа етдији Бејнәлхалг Конфрансына ҝөрә өз сәмими тәшәккүрләрини билдирмиш вә белә конфрансларын ардыҹыл олараг кечирилмәсини тәкидлә гејд етмишләр.
Хатырладаг ки, Түркијә, Гәтәр вә Сәудијјә Әрәбистаны конфранса дәвәт олунмајыблар.
Диггәт: Хәбәрдән истифадә етдикдә мәнбәјә истинад лазымдыр
