Әһли Бејт -АБНА- хәбәр аҝентлијинин вердији хәбәрә әсасән сабаһ 2012-ҹы ил август ајынын 10-на тәсадүф етмиш, Мүбарәк Рамазан ајынын 21-ҹи ҝүнү Имам Әлин һәзрәтләринин (әлејһис сәлам) шәһадәтә чатан ҝүнүдүр. Бу ағыр итки вә дәрд-гәмли ҝүн мүнасибәти илә Ислам Дүнјасынын Тәглид Мәҹәләриндән сајылан Ајәтуллаһ Сафи Ҝүлпәјгани вә Ајәтуллаһ Вәһид Хорасан һәзрәтләри Мәсум Имама әза сахлајанларла бирҝә Мүгәддәс Мәшһәд вә Мәсумәји Гум шәһәриндә, нөвһә охујуб, мәрсијә дејәнләрлә бирҝә пијада һәрәмә доғрү һәрәкәт едәҹәкләр.
Ајәтуллаһ Сафи Ҝүлпәјгани һәзрәтләри әза дәстәләри илә бирҝә саат 16:30- да Мәшһәд шәһәриндә јерләшән мәрһум Ајәтуллаһ Хои ҹәнаблары адына мәдрәсәнин гаршысындан Имам Әли ибн Муса Рызанын (әлејһимәс сәлам) пак һәрәминә доғру һәрәкәт едәҹәк.
Ајәтуллаһ Вәһид Хорасани һәзрәтләри исә Мәсумәји Гум шәһәриндә әзадар дәстә илә саат 18:30 радәсиндә Шәһидләр Хијабанында јерләшән офисиндән Фатимәи Мәсумә Ханымын (сәламуллаһи әлејһа) пак һәрәминә доғру һәрәкәт едәҹәкдир.
Хатырладаг ки, артыг бир нечә илләрдир бәзи Тәглид Мәрҹәләри бирсыра мүһүм кәдәрли ҝүнләрдә (Һәзрәти Фатимә, Имам Әли вә Имам Садиг әлејһимус сәламларын шәһадәт ҝүнләриндә) әзадар дәстәләрлә бирҝә пијада Мәсум Имамын вә Ханым Мәсумәнин пак һәрәминә доғру һәрәкәт едирләр.
Диггәт: Хәбәрдән истифадә етдикдә мәнбәјә истинад лазымдыр
