Әһли Бејт -АБНА- хәбәр аҝентлијинин вердији хәбәрә әсасән АБШ-ын Миссури штатынын ҹәнуб-гәрбиндә јерләшән мәсҹид јандырылыб.
Верилән мәлумата ҝөрә, мәсҹиддән һеч бир шеј чыхарыла билмәјиб, өлән вә ја јараланан јохдур. Мәсҹид дүнән (06.08.12) јандырылыб.
Баш вермиш һадисә илә бағлы мәсҹидин имамҹамааты Лаһмуддин ачыглама вериб. Чох гәмҝин вә ејни заманда шок вәзијјәтиндә олдуғуну сөјләјән Лаһумиддин, “Биз иманлы инсанларыг, биз бир шеји унутмамалыјыг ки, Аллаһ һәр шејә гадиридир. Биз бу мүбарәк Рамазан ајында сәбирли олмалы вә емосијаларымызла һәрәкәт етмәмәлијик”, - дејә мәсҹидин имамҹамааты ачыгламасында билдириб.
Ону да гејд едәк ки, ијулун 4-дә һәмән мәсҹиддә кичик бир јанғын һадисәси баш вермишди вә һәмин тарихдә мәсҹидин киминсә тәрәфиндән јандырылдығы мәлум олмушду. Һәбс олунан олмаса да ФБИ ахтарылан шәхсләр һаггында мәлумат верәнләрә 15.000 $ пул мүкафаты мүәјјән етмишди.
Диггәт: Хәбәрдән истифадә етдикдә мәнбәјә истинад лазымдыр
