Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасында Пејғәнбәр (сәлләллаһу әлеһи вә алиһ) вә Мәсум Имамларымызын (әлејһимус сәлам) өвладларынын мүгәддәс зијарәтҝаһлары олдугҹа чохдур. Бу пирләрдән биридә Имам Зејнул-Абидинин (әлејһи сәлам) нәвәси Әһмәд ибн Муһсинин (сәламуллаһи әлејһ) зијарәтҝаһыдыр.
Әһмәд ибн Муһсин (сәламуллаһи әлејһ) зијарәтҝаһы Исфаһан әјаләтинин Нәтәнз мәнтәгәсинин 5 км-дә (Исфаһанла Нтәнз арасында) јерләшән Хәфр адлы кәндиндә гәрар тапыб.
Зијарәтҝаһ 1996-97-ҹи илләрәҹән ики ҝүмбәддән ибарәт иди. Ҝүмбәдин бири 250 ил өнҹә инша едилмиш диҝәри исә 1000 ил габаг тикилмишдир.
Зијарәтҝаһ 1996-97-ҹи илләрдән бәри кәнд әһалисинин, мүтәвәллиләр вә хејрхаһ инсанларын көмәклији илә јенидән бәрпа едилмишдир. Абадлыг ишләринә ҹәми ики ил вахт сәрф едилмишдир.
Монументин дахилиндә, Әһмәд ибн Муһсинин мүбрәк мәзары үзәриндә баһалы металлардан дүзәлдилмиш 2×3 м өлчүдә, хүсуси зөвглә ишләдилмиш ҝөзәл формада зәриһ јерләшир.
Диггәт: Хәбәрдән истифадә етдикдә мәнбәјә истинад лазымдыр
