Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасы Ислам Шурасы (парламент) Мәҹлисинин Әрдәбил шәһәри үзрә милләт вәкили Мәнсур Һәгигәтпур билдириб: “Биз Иран парламентиндә Гарабағы вә оранын Азәрбајҹана вә ислама аид олмасыны мөһкәм мүдафиә едәҹәјик”.
Һәгигәтпур дејиб ки, биз Иран парламентиндә Гарабағы вә оранын Азәрбајҹана вә ислама аид олмасыны мөһкәм мүдафиә едәҹәјик.
Мәнсур Һәгигәтпур Бејнәлхалг Сәһәр каналынын Компас верилишиндә вурғулајыб: Гарабағ Ислам торпағыдыр. Бизим торпагдыр. Биз ермәниләрин вә јәһудиләрин Гарабағдакы һәрәкәтләрини гәтијјәтлә писләјирик. Биз јәһудиләри Азәрбајҹан үчүн јахшы дост билмирик. Әҝәр Азәрбајҹан Республикасына етираз едирик ки, нә үчүн јәһудиләри Азәрбајҹанда јерләшдирирсиниз? Буна ҝөрәдир ки, нәһајәтдә онлар Азәрбајҹанын хејрини истәмәјәҹәкләр вә инди дә буну Гарабағдакы сахта сечкидә ҝөрмәк олар. Әҹнәбиләр ҝәлирләр Гарабағда сечки кечириб ону мүшаһидә едирләр ки, буранын Азәрбајҹана вә ислам торпағына аид олмасыны јаддан чыхарсынлар. Амма вурғуламалыјам ки, нә гәдәр заман кечсә дә, нә гәдәр ил өтсә дә, бу һәгигәти јаддан чыхармајаҹағыг ки, Гарабағ ислам торпағыдыр. Гарабағы мүсәлман Азәрбајҹан халгы азад едәҹәк.
“Ермәнистан илә Азәрбајҹан Республикасы арасында саваш башлајанда биз Һәзрәт Ајәтуллаһүл-үзма Хаменеидән истифта етдик ки, ермәниләр Гарабағы тутублар. Вәзифә нәдир? О Һәзрәт исә бујурмушдур ки, Гарабағ ислам торпағыдыр вә һәр кәс оранын азадлығы уғрунда вә гејри-мүсәлманларын ора һөкмран олмағына гаршы һәрәкәтдә ҹаныны итирсә шәһид һесаб олунур.
Диггәт: Хәбәрдән истифадә етдикдә мәнбәјә истинад лазымдыр
