Әһли Бејт -АБНА- хәбәр аҝентлији- Ҝәнҹә ҹамааты дини мәрасимләрлә бағлы һәссас мүнасибәти илә совет дөврүндә белә диҝәр реҝионлардан сечилиб. Мәсәлән, рамазан вә мәһәррәм ајлары һәтта совет дөврүндә дә Ҝәнҹәдә хүсуси гејд олунуб.
70 иллик совет зүлмү алтында белә мејданларда Ашураны, мәсҹидләрдә Әһја ҝеҹәләрини гејд едиб, ифтар сүфрәләри ачан ҝәнҹәлиләр кечән илдән етибарән иҹра структурларынын тәзјигинә мәруз галыблар.
Мараглыдыр ки, бүтүн дүнјада гејд олунан вә диҝәр дин мәнсубларынын да еһтирам ҝөстәрдији мүгәддәс Рамазан ајы да Ҝәнҹә шәһәр Иҹра Һакимијјәти тәрәфиндән “арзуолунмаз ај” кими гәбул едилиб.
Редаксијамыза мүраҹиәт едән Ҝәнҹә диндарларынын сөзләринә ҝөрә, тәзјигләри норматив иш һалына ҝәтирән Ҝәнҹә шәһәр Иҹра Һакимијјәти Рамазан ајында гадағалары ҝүҹләндириб. Иҹра Һакимијјәтиндә кечирилән мүшавирәјә дәвәт олунан дин хадимләринә гәти ҝөстәриш верилиб ки, Рамазан ајы бојунҹа мәсҹидләрдә ифтар сүфрәләринин верилмәси ләғв едилмәли, Гәдр (Әһја) ҝеҹәләринин кечирилмәси јасагланмалыдыр.
Һазырда хариҹдә истираһәтдә олан Ҝәнҹә шәһәр Иҹра Һакимијјәтинин башчысы Елмар Вәлијевин тәлиматы илә бу аддымын атылдығыны ахундлара билдирән рајон рәһбәрлији бу сәрт гадағалара табе олмајаҹаг мәсҹидләр барәдә ҹидди тәдбир ҝөрүлүләҹәји илә тәһдид едиб.
Ҝәнҹәдән верилән мәлуматда дејилир ки, Ҝәнҹәнин Газахлар, Гырыхлар мәсҹидләриндә Совет дөврүндә белә әһја ҝеҹәләри гејд олунуб, һәмин ҝеҹәләрдә инсанлар мәсҹидләрә ҝедәрәк, ибадәт едибләр. Анҹаг Ҝәнҹә “губернатору”нун јени һөкмүнә ҝөрә, мәсҹидләр ифтардан өнҹә бағладылмалы, ҝеҹә мәсҹидләрә ҝәлишләр гадаған едилмәлидир.
Хатырладаг ки, бу Елмар Вәлијевин диндарлара гаршы илк сәрт мүнасибәти дејил. Елмар Вәлијевин Аллаһа гаршы мәнфи мүнасибәти Јевлахда фәалијјәт ҝөстәрдији дөврдән бәри бәллидир. Онун Јевлахда Һаҹы Намиг вә ҝәнҹ диндарлара гарш тәзјигләри бөлҝә әһалиси тәрәфиндән унудулмајыб. Ҝәнҹәјә рәһбәр тәјин едилдији ҝүндән етибарән дә Ҝәнҹә диндарларына тәзјиг едән Вәлијевин һәтта шәһәрин рәсми руһаниләри илә проблеми дә јашанмышды. Гафгаз Мүсәлманлары Идарәсинин Гәрб зонасы үзрә сәлаһијјәтли нүмајәндәси дә Елмар Вәлијевин тәзјигинә мәруз галмышды.
Вурғуламаг лазымдыр ки, Ҝәнҹәдә Газахлар, Шаһ Аббас, Гырыхлар мәсҹидләринин рәсми руһаниләринин инзибати органлара чағырылыб, тәзјигләрә мәруз галмалары әһали арасында чашгынлыг јаратмагдадыр.
Ҝәнҹә кими дини мәрасимләр мөвзусунда һәссас олан шәһәрдә бу дини гадағалар ҹидди мәнфи реаксија доғура биләр. Дөвләтин дин сијасәтинин иҹрачысы олан мүвафиг гурумлар Рамазан ајы илә бағлы республика сәвијјәсиндә тәдбирләр планы һәјата кечирәркән, Ҝәнҹәдә бу јашананлар Азәрбајҹанын әлејһинә ишләјән гүввәләрин “дәјирманына су төкмәкдәдир”. Диндарлар артыг иҹра башчысынын нә заман “Аллаһсыз” вәсигәсини пајлајаҹағыны ҝөзләјирләр. Бу исә диндар вәтәндашларла дөвләт арасында мүнсибәтләрдә проблем јарадыр.
Диггәт: Хәбәрдән истифадә етдикдә мәнбәјә истинад лазымдыр
