Әһли Бејт -АБНА- хәбәр аҝентлијинин вердији хәбәрә әсасән Италијанын Ирандакы сәфири Алберто Браданини Авропа Иттифагынын әбәс јерә Иран Ислам Республикасына гаршы тәтбиг етдији санксијалара мүнасибәт билдирәрәк дејиб: АИ-нин ИИР-а гаршы тәтбиг етдији биртәрәфли санксијалар нәтиҹәсиндә Ислам Өлкәси илә тиҹарәт тәрәфдашлығы һәјата кечирән бир сыра өлкәләр зәрәр чәкиб.
Сәфир, санксијаларын сәртләшдирилмәсиндән тәәссүф һисси кечирдијини дејиб.
Онун сөзләринә ҝөрә, өтән ил Иран Ислам Республикасы илә Италија арасында мал дөвријјәси 7 милјард авро һәҹминдә олуб. “Бунун 2 милјард авросу Италијадан ихраҹ, 5 милјард авросу исә, идхал нәтиҹәсиндә гејдә алыныб. Ҹари илин илк 6 ајы әрзиндә мал дөвријјәсинин һәҹми ашағы дүшүб. Бу һәм идхал, һәм дә ихраҹ әмәлијјатларына аиддир. Иран Италијаја нефт ихраҹына ҝөрә үчүнҹү јери тутур. Лакин Ирандан Италијаја мал ихраҹы тәкҹә нефтлә мәһдудлашмыр. Иран бөјүк сәнаје еһтијатлары вә мүхтәлиф технолоҝијалара маликдир”, - Алберто Браданини дејиб.
Сәфир өлкәсиндә ИИР вәтәндашларынын хүсуси һөрмәтә малик олдугларынын сөзләринә әлавә едиб.
О дејиб: “Әсасән јахшы тәһсилли вә мүтәхәссисләр олан Иран әсилли шәхсләр Италијаја бөјүк хејир ҝәтирирләр”.
Диггәт: Хәбәрдән истифадә етдикдә мәнбәјә истинад лазымдыр
