Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасы базарындан чыхмаг үчүн Peugeot ширкәтинин гәрары, бу дүнјада мәшһур олан автомобил гајырма ширкәтә о гәдәр баһа баша ҝәлмишдир ки, һәтта рәсмиләри дә ачыг ашкар шәкилдә ону етираф едибләр.
Пресс ТВ-нин мәлуматына ҝөрә, гејд олунан ширкәтә тәкҹә бу илин илк јарысында 819 милјон авро хәсарәт дәјиб.
Билдирилир ки, Франсанын Peugeot ширкәтинин малијјә хәсарәтинин әсас сәбәбләриндән бири бу ширкәтин Иран базарларында иштиракдан мәһрум олмасыдыр.
Феврал ајына гәдәр Иран Франсадан сонра Peugeot ширкәти үчүн ән бөјүк базарлардан бири сајылырды.
Банк санксијаларынын артмасы вә Ситроен-ин Дитројтин Ҝенерал Моторс ширкәти илә бирләшмәсиндән сонра бу ширкәт Иранла әлагәләрә сон гојмаг гәрарыны верди.
Авропада 2-ҹи автомобил ширкәти олан Peugeot бу ширкәтдә 8 мин иш јеринин бағландығыны билдириб. Бу автомобил ширкәти һабелә Парисдән кәнарда бир машын заводунун фәалијјәтини дајандырыб. Сон 20 илдә бу илк дәфәдир ки, Франсада бир сәнаје мүәссисәси фәалијјәтини дајандырыр.
Диггәт: Хәбәрдән истифадә етдикдә мәнбәјә истинад лазымдыр
