Әһли Бејт -АБНА- хәбәр аҝентлији- “Азад сөз, азад фикир, азад мәтбуат” шүары илә јола чыхан гардашымыз Ниҹат артыг 2 ајдан чохдур ки, шәрләнәрәк һәбс едилиб, Күрдәханы Истинтаг тәҹридханасында сахланылыр вә мәһкәмәнин гәрарына әсасән, истинтаг мүддәти 21 августадәк узадылыб.
Инсанлар әгидәләринә ҝөрә азад олурлар. Әгидәләринә ҝөрә мүбаризә апарырлар. Вә лазым ҝәлсә, әгидәләринә ҝөрә шәһид олурлар, әгидәләринә ҝөрә танынырлар. Әгидәси олмајан инсан әслиндә инсанлыг иддиа едә билмәз.
Дүнја үмумијјәтлә ики јерә бөлүнүб, бир тәрәфиндә шејтанлар вә онларын ардыҹыллары, шејтан дәстәләри вә һавадарлары, шәр гүввәләр вә фитнә әһли, ган төкән вә мәләкләрин гынағына туш олан фәсад әһли, диҝәр тәрәфдә исә Аллаһ нуру илә нурланмыш, илаһи һөкмләри ҝөз бәбәји кими горујан, ҹаныны вә әлиндә олан һәр шејини һагг уғрунда фәда етмәјә “ләббејк” дејән Аллаһ дәстәси, Аллаһ һимајәсиндә олуб бу јолда фәдакарлыг едәнләр, мүбаризәдән усанмајанлар. Биз олмалы олдуғумуз јердәјик. Һәр кәс дөнүб өз јеринә бахсын, јерини мүәјјәнләшдирсин.
Ниҹат да биздәндир. Бизимлә бу јолдадыр, онун зинданда олмасы һеч нәји дәјишмир әслиндә. Онун гәлби һагг илә дөјүнүр, һаггын мүдафиәси үчүн ҹан атыр. Ниҹат пешәсинә ҝөрә сахланылан, мәһз журналистика илә мәшғул олдуғуна ҝөрә шәрләнән диндашларымыздан, мүбаризләримиздәндир.
Ешидәнләр ешитсинләр, бизи сыхынтыларла сындырмаг мүмкүн дејил. Бизим адымыз мәлум, јолумуз ачыгдыр. Ниҹат да бир ҝүн бу сыхынтылардан ниҹат тапаҹаг.
Бир ҝүн ҝәләҹәк, һәр кәс өз јерини ҝөрәҹәк, кими јериндән утаныб башыны јерә дикәҹәк, кимисә фәхрлә башыны галдырыб ирәли ҝедәҹәк, бизим Ниҹат кими.
Диггәт: Хәбәрдән истифадә етдикдә мәнбәјә истинад лазымдыр
