Әһли Бејт -АБНА- хәбәр аҝентлијинин вердији хәбәрә әсасән Рус мәтбуатында јени Шок бир хәбәр јајымланыб. Сурија илә Түркијә арасындакы јашанан ҝәрҝинликдә, 5 Ијулун әһәмијјәтли бир тарих олдуғуну ачыглајан руслар, түркләри гәзәбләндирәҹәк ачыглама верибләр.
Сурија карасуларына јахын бир бөлҝәдә сурија тәрәфиндән Түркијә кәшфијјат тәјјарәсинин вурулмасы һадисәсиндән бир ај кечмәсинә бахымајараг Русија мәсәлә илә бағлы белә ачыглама вериб: "Анкара дөјүш тәјјарәләрини галдырыб Сурија һава мүдафиә системләрини вурмаға ҹәһд етсәјди бөлҝәдә бөјүк бир фәлакәт јашанарды. Сурија һава мүдафиә системи, Түрк Ф-16 дөјүш тәјјарәләрини лунапаркдакы өрдәкләр кими вурарды. Сонра исә бөјүк бир мүһарибә башларди".
Русија рәһбәрлијинә јахынлығы илә танынан "Известиа" гәзети, 22 Ијундан сонра Түрк ҹәбһәсиндә нәләр јашандығыны марагла ишыгландырыр.
Хәбәрдә дејилир:
"Түрк Һава Гүввәләринә аид Ф-16 дөјүш тәјјарәләри флоту Инҹирлик Базасында 5 Ијул тарихинә гәдәр 'Суријада Әмәлијјата Башла' әмрин верилмәсини ҝөзләјирди. Тәјјарәләр һәр ан дөјүш вәзијјәтинә ҝәтирилирди. Бу критик вәзијјәт Ф-4 кәшфијјат тәјјарәсинин пилотларынын ҹәсәдләринин тапылмасына гәдәр давам етди. Рус кәшфијјатынын мәлуматына ҝөрә Анкара Суријаны вурмаг мөвзусунда чох ҹидди иди. Түркијәнин белә дүшүнүлмәмиш аддым атмаға тәк бир үнсүр манеә төрәтди. Түркијә Баш Гәрарҝаһынын, Сурија Һава Мүдафиә Системләринин нәләрә гадир олдугларыны там сүрәтдә билмәмәси иди. Нәтиҹә олараг “Бомбардмана Башла” әмринин верилмәмәси сон дәрәҹә мәгсәдәујғун гәрар олду.
"Русија сон дөврдә Сурија ордусуна јени модел 'Бук' зенит мәрми батарејалары вермишди. Ф-16 тәјјарәләри Сурија сәмаларында ҝөрүндүкләри ан бу систем тәрәфиндән лунапаркда һавалы түфәнҝ стендиндәки өрдәкләр кими вурулардылар. Беләҹә Түркијә, дармадағын едилмиш кәшфијјат тәјјарәсинин интигамыны алырам дејәркән, нөвбә дөјүш тәјјарәләри флотуна чатарды. Сонра да Түркијә Сурија илә ҝери дөнүшү олмајан дөјүшә ҝирмиш оларды".
Диггәт: Хәбәрдән истифадә етдикдә мәнбәјә истинад лазымдыр
