Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Бушәһр әјаләтиндәки Садра тәрсанәсиндә Венесуеланын сифариши илә тикилән 113 мин тон су тутуму олан ири танкерин суја бурахылмасы мәрасими кечирилиб.
Тәрсанәнин рәһбәри Салман Зәрби аҝентлијә дејиб ки, мәрасимдә Бушәһрин мери, Әли Хаменејинин Бушәһрдәки нүмајәндәси, Венесуеланын нефт ширкәтинин тәмсилчиләри, ҝәми иншаатчылары иштирак едибләр.
Өтән һәфтә Зәрби журналистләрә мәлумат вермишди ки, Венесуала 2007-ҹи илдә Ирана "Афрамах" типли 94 000 су тутуму олан 4 танкерин тикинтисини сифариш вериб. Лакин Иран лајиһәјә мүәјјән дәјишикликләр едәрәк бу ҝөстәриҹини 113 000 тона чатдырыб.
Танкерин узунлуғу 250 метр, ени 44 метр, һүндүрлүјү 21 метр, суја отурма дәрәҹәси 14,8 метрдир.
Икинҹи танкерин тикинтисиндә ишләрин 28 фаизи јеринә јетирилиб. Һәр бир танкерин тикинтиси 57 милјон авроја баша ҝәлир.
Мәрасимдә иштирак едән Зәрби гејд едиб ки, Гәрбин Иран Ислам Республикасына тәтбиг етдији ағыр санксијалара бахмајараг, биринҹи танкер үзәриндә иш уғурла баша чатдырылыб.
Диггәт: Хәбәрдән истифадә етдикдә мәнбәјә истинад лазымдыр
