Әһли Бејт -АБНА- хәбәр аҝентлијинин вердији хәбәрә әсасән Бејнәлхалг Тәшкилатларын ҝөзү өнүндә Мјанмада өлкә бүтпәрәстләри вә һәрби ордунун анти-бәшәр ҹинајәтләринин давамында артыг даһа бир күтләви “Мүсәлман Сојгырымы” баш вермишдир.
Дүнја Әһли-Бејт (әлјеһимус сәлам) Ассамблејасы бу күтләви “Мүсәлман Сојгырымы” илә әлагәдар бәјанат вериб.
Бәјанатда Мјанмада төрәдилән сојгырыма бирбаша јерли һакимијјәт вә шәхсән өлкә рәһбәрлијинин мәсулијјәт дашыдығы билдирилир. Һабелә Мјанма дөвләтиндән баш вермш ҹинајәтә тез бир заманда сон гојмасыны вә баш вермиш сојгырымла әлагәдар дәгиг мәлуматлары күтләви информасија гаршысында дүнја бирлијинә чатдырмасы тәләб олунур.
Бәјанатын там мәтнин сајтымызын зијарәтчиләринә тәгдим едирик:
Бисмиллаһир Рәһманир Рәһим
Мјанмада “Руһинга Мүсәлманларынын Сојгырымы” хәбәри Ислам Дүнјасында хүсусән дә Әһли-Бејт (әлејһимус сәлам) мәктәбинин давамчылары арасында бөјүк бир резонанса сәбәб олмушдур.
Тәсүфлә гејд етмәлијик ки, сон үч онилликдә биз, Мјанмада, дөвләтин сәрәнҹамы илә һәрбичиләр тәрәфиндән “Руһинга Мүсәлманлары”на гаршы етник тәмизләмә, гәтл, тәҹавүз, мәҹбури көч етдирмәк сијасәтләринин шаһиди олмушуг.
Дүнја Әһли-Бејт (әлјеһимус сәлам) Ассамблејасы Мјанмада азлыг тәшкил едән мүсәлман топлумуна гаршы апарылан ҹинајәтләрә тәәссүфләнир вә әсримизин дәһшәтли сојгырымын гәти сүрәтдә писләјәјәрәк Мијанма өлкә рәсмиләриндән, бу өлкәдә азлыгда јашајан Мүсәлман Топлумунун дини инанҹларына һөрмәт бәсләјәрәк онларын һүгугларына риајјәт етмәләрини, баш вермш ҹинајәтә тез бир заманда сон гојуб мүсәлманларын тәһлүкәсизлијинин тәмин етмәләрини, һабелә сојгырымла әлагәдар ҝениш вә дәгиг мәлуматлары күтләви информасија гаршысында дүнја бирлијинә чатдырмаларыны тәләб едир.
Өлкәнин һазыркы игтидары халгын тәһлүкәсизлијини тәмин едән әсас мәсул үнванын дашыјыр. Буна ҝөрә дә мәһз дөвләт өлкәдә баш вермиш сојгырымын гаршысын алмалыдыр. Бу просесин давамы һеч бир шәкилдә мәгбул дејил.
Дүнја Әһли-Бејт (әлјеһимус сәлам) Ассамблејасы һәмчинин бүтүн Бејнәлхалг Тәшкилатлардан, Ислам Әмәкдашлыг Тәшкилатындан вә һабелә Мүсәлман Дөвләтләриндән Мијанмада Руһинга Мүсәлманларына гаршы төрәдилән вәһшиликләрә сон гојулмасын, “Мүсәлман Сојгырымы”нын гаршысынын алынмасын, Мүсәлман Гачгынларынын пәнаһәндәлик мәсәләсинин тез бир заманда һәлл олунмасын, Мүсәлман гадын вә ушагларынын һәјатынын горунмасыны Мијанма дөвләтиндән тәләб етмәләрин истәјир.
Дүнја Әһли-Бејт (әлјеһимус сәлам) Ассамблејасы бир даһа бүтүн дүнја боју һәјата кечирилән вә әсас мәншәји Авропа олан анти-бәшәр вә анти-Ислам сиајсәтләрә гаршы чыхыр. Вә тез бир заманда бүтүн дүнја боју Мүсәлманлара гаршы апарылан бу чиркин сијасәтә сон гојулмасын тәләб едир.
Дүнја Әһли-Бејт (әлјеһимус сәлам) Ассамблејасы
Ијул 2012-ҹи ил
Диггәт: Хәбәрдән истифадә етдикдә мәнбәјә истинад лазымдыр
