Әһли Бејт -АБНА- хәбәр аҝентлијинин вердији хәбәрә әсасән Вәкил Анар Гасымлы АИП лидери Мөвсүм Сәмәдовла ҝөрүшүб. Бу барәдә FaktXeber.com-а вәкилин өзү мәлумат вериб.
Вәкилин сөзләринә ҝөрә Мөвсүм Сәмәдов һазырда ҹидди нәзарәт алтындадыр: ”Она һәр һансы бир гәзетин вә ја журналын верилмәсинә иҹазә верилмир. Онунла ҝөрүшмәк үчүн кифајәт гәдәр проблемләрлә үзләшдим. Һәмишәки кими ҝөрүшләрдә истифадә етдијим гануни проседурлара бу дәфә 11 сајлы Ҹәза Чәкмә Мүәссисәнин әмәкдашлары мәһәл гојмадылар. Белә ки, һеч бир гануни әсасы олмајан бир гајдада, орденин орижинал нүсхәсини истәдиләр. Бәзи һүгуг мүдафиәчиләринә вә медиаја органларына мүраҹиәт етдикдән вә Ҹәза Чәкмә Мүәссисәсинин рәиси Фикрәт Гафаровла кифајәт гәдәр мүзакирәләр апардыгдан сонра нәһајәт ки, ҝөрүшә иҹазә вердиләр.”
Мөвсүм Сәмәдовун сәһһәти илә бағлы һәр һансы бир проблемин олмадығыны гејд едән Анар Гасымлы, ”Мөвсүм Сәмәдов она гаршы диҝәр мәһбуслардан фәргли бир нәзарәтин олдуғуну билдириб. Ејни һалда о 11 сајлы Ҹәза Чәкмә Мүәссисәсинә ҝәтирилдији ҝүн 14 ҝүн карсда сахланылыб,”-дејә билдирди: "Буна сәбәб исә “Еуровисион” ла бағлы јаздығы мүраҹиәт олуб. Лакин 7 ҝүн сахланылдыгдан сонра она һәбсханада низамсызлыг етдијинә ҝөрә карса салынмасы илә бағлы сәнәди имзаламасыны истәјибләр. Мөвсүм Сәмәдов разылыг вермәдикдән сонра јенидән 7 ҝүн карсда сахлајыблар.”
Вәкил сонда гејд етди ки, АИП лидери ону гапалы режимли һәбсханаја көчүрүлмәси илә бағлы тәдбирләрин ҝөрүлдүјүнү билдириб: “Белә ки, һәбсханада олдуғу мүддәтдә һәр һансы мәһбусдан бир нечә дәфә ганун позунтусуна вә низамсызлыға ҝөрә шикајәт едилирсә, һәмин мәһбус гапалы типли ҹәза чәкмә мүәссисәсинә ҝөндәрилир. Һазырда Мөвсүм Сәмәдовла бағлы бу тип кампанија апарылыр. Мәлумдур ки, Мөвсүм Сәмәдов неҹә бир инсандыр. Тәбии ки, онун һәр һансы бир низамсызлыға вә ја етик гајдаларын позулмасына јол вермәси мүмкүн дејил. Лакин онунла бағлы бу кампанија сүни шәкилдә һәјата кечирилир.”
Диггәт: Хәбәрдән истифадә етдикдә мәнбәјә истинад лазымдыр
