Әһли Бејт -АБНА- хәбәр аҝентлијинин вердији хәбәрә әсасән faktxeber.com-а һәбсдә олан АИП функсионери Руфулла Ахундзадәнин вәкили Анар Гасымлы дејиб: “Руфулла Ахундзадәнин сәһһәтиндә проблемләр вар. Онун үрәк ағрысындан вә бәдәнинә су јығылмасындан шикајәти вар. Лакин Вагиф Абдуллајевин мәлум өлүмүндән сонра о, Пентенсиар Хидмәтин Мүалиҹә Мүәссисәсиндә мүалиҹә алмагдан еһтијат едир.”
Вәкил ону да гејд етди ки, Руфулла Ахундзадәнин мүалиҹәси илә бағлы хариҹдән һәким ҝәтирмәк үчүн мүраҹиәт едәҹәкләр. “АИП функсионери тамамилә информасија блокадасына алыныб. Белә ки, она һәр һансы бир гәзетин вә ја журналын верилмәсинә иҹазә верилмир.”
Гејд едәк ки, АИП лидери Мөвсүм Сәмәдов партијанын баш мәҹлисиндә һакимијјәтин әлејһинә тәнгиди фикирләр сәсләндирдикдән сонра АИП-ин диҝәр үзвләри илә јанашы узун мүддәтли азадлыгдан мәһрум олунуб. Артыг һәбс едилән 5 АИП функсионериндән бири Вагиф Абдуллајев бир нечә ҝүн бундан өнҹә һәбсханада дүнјасыны дәјишиб.
Әсассыз иттиһамларла һәбс олунан Ислам Партијасынын сәдри Мөвсүм Сәмәдов 12 ил, мүавини Вагиф Абдуллајев 11 ил, Руфулла Ахундзадә 11 ил 6 ај, Фирдовси Мәммәдрзајев 10 ил, Дәјанәт Сәмәдов 10 ил, Фәрамиз Аббасов 11 ил мүддәтинә азадлыгдан мәһрум едилибләр. Зүлфүгар Микајылов исә 5 ил сынаг мүддәтилә, 11 иллик шәрти ҹәзаја мәһкум олунуб.
Диггәт: Хәбәрдән истифадә етдикдә мәнбәјә истинад лазымдыр
