Әһли Бејт -АБНА- хәбәр аҝентлијинин вердији хәбәрә әсасән ”Инанҹлы Вәтәндашларын Инсан Һагларына Дәстәк” Тәшәббүс Групу ДЕВАММ-ын Азәрбајҹан Ислам Партијасынын сәдр мүавини Һаҹы Вагиф Абдуллајевин фаҹиәли шәһадәти илә бағлы бәјанатына гошулур вә һесаб едир ки, бу истигамәтдә бүтүн мүвафиг тәсисат вә тәшәббүс груплары бирҝә аддыма кечмәлидирләр.
Хатырладаг ки, Дини Етигад вә Виҹдан Азадлыгларынын Мүдафиә Мәркәзи (ДЕВАММ) Азәрбајҹан Ислам Партијасынын сәдр мүавини Һаҹы Вагиф Абдуллајевин фаҹиәли вәфаты илә бағлы бәјанат вериб. Бәјанатда дејилир: “Биз һесаб едирик ки, Вагиф Абдуллајев өз бахышларына ҝөрә тәгибә мәруз галыб вә гејри-објектив кечирилән мәһкәмәнин әсассыз, гејри-һүгуги һөкмү илә узун мүддәтә азадлыгдан мәһрум едилиб. Ҹәзачәкмә мүәссисәләриндә хәстәлијинин шиддәтләнмәсинә бахмајараг Вагиф Абдуллајев ҹидди һәким нәзарәти вә мүалиҹә илә тәмин едилмәјиб. Хәстәлијинин сон дәрәҹә шиддәтләнмәси мәрһәләсиндә белә Вагиф Абдуллајевин хиласы үчүн зәрури аддымлар атылмајыб. Бүтүн бунларын нәтиҹәсиндә Вагиф Абдуллајев зинданда дүнјасыны дәјишиб".
ДЕВАММ Вагиф Абдуллајевә гаршы бу ҹүр давранышы гәти писләјир, онун өлүмүндә ҝүнаһкар оланларын ашкарланыб мәсулијјәтә алынмасыны тәләб едир: "Вагиф Абдуллајевә гаршы сәрҝиләнән бу рәфтар ән үмдә конститусион һүгуг вә азадлыгларын позулмасы демәкдир”.
Бәјанатда сијаси мәһбусларын һәјат вә сағламлыгларына бирбаша вә ашкар тәһлүкәнин мөвҹудлуғундан нараһатлыг билдирилир: “Бу саһәдә вәзијјәтин тәҹили дүзәлдилмәсинә, һәр бир вәтәндашын, о ҹүмләдән азадлыгдан мәһрум едилмә јерләриндә, һүгугларынын горунмасыны тәләб едирик”.
ДЕВАММ сәдри Илгар Ибраһимоғлу иҹтимаијјәти бу бәјаната гошулмаға чағырыб.
Вагиф Абдуллајев сијаси фәалијјәтә 1993-ҹү илдә Азәрбајҹан Ислам Партијасынын сыраларында башлајыб. 1998-ҹи илдән АИП-дә тәшкилати мәсәләләр үзрә сәдр мүавини олуб.
P.S. Вагиф Абдуллајев 2011-ҹи илин јанварында мөвҹуд режим тәрәфиндән ШӘРЛӘНӘРӘК тутулуб. О, ГОНДАРМА ағыр ҹинајәтләрдә иттиһам олунараг 11 ил мүддәтинә азадлыгдан мәһрум олунуб. Вагиф Абдуллајев 2012-ҹи ил ијулун 12-дә ЗИНДАНДА режим тәрәфиндән ШӘҺИД едилиб.
Низами
Диггәт: Хәбәрдән истифадә етдикдә мәнбәјә истинад лазымдыр
