Әһли Бејт -АБНА- хәбәр аҝентлијинин вердији хәбәрә әсасән дүнән саат 17:00-да Бакы Ағыр Ҹинајәтләр Мәһкәмәсиндә руһани Һаҹы Абҝүл Сүлејмановун нөвбәти мәһкәмә иҹласы кечирилиб.
Илк шаһид кими Азадхебер.орҝ сајтынын һәбсдә олан баш редактору Ниҹат Әлијев диндирилиб. О ифадәсиндә дејиб: “Һаҹы Абҝүл бизим дәјәрли, гејрәтли, ана-баҹыларымызын һиҹабынын гејрәтин чәкән намуслу руһанимиздир. Сөһбәти ҝедән папанин чыхышында Һаҹы Абҝүл инсанлары гәсб олунан һаггларыны мүдафиә етмәјә, гејрәтли олмаға, зүлмә сусмамаға чағырырды. Бу ҝүн Пејғәмбәрин, Имам Әлинин вә Гурани Кәримин әлләри гандалланыб. Чүнки Һаҹы Абҝүл Сүлејманов минбәрдәки чыхышларында даим Пејғәмбәрдән, Имам Әлидән вә Гурани Кәримдән мисал ҝәтирәрәк данышарды. Буна ҝөрәдә Һаҹы Абҝүл Сүлејманов ганунсуз шәкилдә шәрләнәрәк һәбс олунуб”.
Һаким, дөвләт иттиһамчысы вә вәкилләр журналист Ниҹат Әлијевә суаллар вердиләр.
Ниҹат Әлијевдән сонра мәһкәмә иҹласына вәкилләрин өз һесабына ҝәтирдији Рамин Бајрамовун һәјат јолдашы Сәфијјә Бајрамова дәвәт олунду. О ифадәсиндә дејиб: “Ифтара аз галмышды. Гутаб биширирдик. Бирдән пәнҹәрәдән баханда ҝөрдүм ки, мүлкү ҝејимли шәхсләр гапыныдөјмәдән һасары оппаныб һәјәтә дүшүрләр. Дәрһал ашағы дүшүб һәјәтдәкиләрә бу барәдә мәлумат вердим. Онлар елә ајаға дуранда мүлкү ҝејимли шәхсләр һаҹыны јерә јыхыб апардылар. Биздә әлимиздәки охловларла о мүлкү ҝејимлиләри дөјмәјә башладыг. Онлар мүгавимәт ҝөстәрә билмәјиб һәјәти тәрк етдиләр. Гапыны архадан бағладылар, биз даһа сонра нә олдуғуну билмәдик. Һаҹыны апараркән сәф етмирәмсә әлләрини гандалладылар.”
Бундан сонра мәһкәмә залына Мәдинә Новрузова дәвәт олунду. О руһани Һаҹы Абҝүл Сүлејмановун гајнанасыдыр. Мәдинә ханым ифадәсиндә дејиб: “Лаһыҹдакы ев јолдашыма мәхсусдур. Һәр ил јај ајларыны орда кечиририк. Һәмишәки кими бу ил дә јај ајларыны орда кечирирдик. Бир ҝүн һәјәтдә отуруб хәмир ачырдыг. Һаҹыда бизим јанымызда иди. Гызым Сәфијјә ашағы дүшүб һасардан кимләринсә тулландығыны деди. Биз елә ајаға галхырдыг ки, онлар һүҹума кечдиләр. Мәним језнәм киши адамды. Адам кими чағырсајдылар ҝедәрди. Ҝизләнән дејилдики. Амма онлар накишилик етдиләр. Гадынларын, ушагларын јанында өз вәһшиликләрини ҝөстәрдиләр. Ушагларын ҝөзүндән һәлә дә онларын вәһшиликләри ҝетмәјиб. Һәр шеји дағытдылар һәјәтдә. Сонра һаҹыны тутуб апардылар. Гапыныда чөлдән бағладылар ки. Биз онларын архасынҹа ҝедә билмәјәк. Мән Һаҹыдан разыјам. Аллаһда ондан разы олсун.”
Һал шаһиди кими мәһкәмәјә чағырылан Абдуллајев Елчин телеграм вурараг билдириб ки, хәстәди, мәһкәмәдә иштирак едә билмәјәҹәк.
Ағададашов Тәрлан вә Бабајев Елдар өлкәдә олмадыгларына ҝөрә ифадәләри охунуб.
Һаким ҝәлән мәһкәмә иҹласыны 27 ијул саат 16:00-а тәјин едиб.
Мәһкәмәдә иштирак етмәк үчүн чох сајда диндарлар ҝәлсә дә, мәһкәмә иҹласына ҹәми 15 нәфәр бурахлыб. Бир чох диндар руһани Абҝүл Сүлејмановун шәкли олан вә үзәриндә "Салам олсун Јусифләрә" јазылмыш көјнәкләр ҝејинибләр.
Ачыг кечирилән иҹласда шаһид гисминдә 6 нәфәр диндирилиб.
Диггәт: Хәбәрдән истифадә етдикдә мәнбәјә истинад лазымдыр
