Әһли Бејт -АБНА- хәбәр аҝентлијинин вердији хәбәрә әсасән ишғал алтындадакы мүсәлман Азәрбајҹан торпагларында гурулмуш гондарма Дағлыг Гарабағ режиминдә “президент сечкисинин” баш тутдуғу ачыгланыб.
Ермәнистанын “Неwс.ам” сајты ијулун 19-да кечирилмиш сечкијә 72 833 сечинин гатылдығыны хәбәр верир. Ганунсуз режимин башчысы уғрунда үч намизәд јарышыб: Ермәнистан Дөвләт Аграр Университети Степанакерт (Ханкәнди) филиалынын проректору Аркади Согомонјан, “парламентин депутаты” Витали Баласанјан вә индики “президент” Бако Саакјан. Нәтиҹәләр һәлә елан олунмајыб.
АзәрТАҹ-ын мәлуматына ҝөрә, Ислам Әмәкдашлыг Тәшкилаты (ИӘТ) Дағлыг Гарабағдакы гондарма сечкини танымадығыны бәјан едиб.
Тәшкилатын баш катиби Екмәләддин Иһсаноғлу дејиб ки, ИӘТ Ермәнистанла Азәрбајҹан арасында мүнагишәнин динҹ вә әдаләтли јолла, әрази бүтөвлүјү вә бејнәлхалг мигјасда танынмыш сәрһәдләрин тохунулмазлығы принсипләринә риајәт едилмәси әсасында һәллини дәстәкләјир.
19 ијул сечкиси сепаратчы режимин гурулдуғу Дағлыг Гарабағда “президент сечкиси” ады алтында кечирилән 5-ҹи сечки тамашасыдыр. Индијәдәк Дағлыг Гарабағда 5 “парламент сечкиси”, 4 “бәләдијјә сечкиси” шоусу да олуб. Сепаратчылар 2 дәфә “референдум” ады илә сәсвермә дә тәшкил едибләр. Лакин тәсүфлә гејд етмәлијик ки, бүтүн бу өзбашыналыгларын гаршысында Азәрбајҹанда көк атмыш әлијевләр режими индијә кими һеч бир ҹидди тәдбирләр ҝөрмәмишдир.
Диггәт: Хәбәрдән истифадә етдикдә мәнбәјә истинад лазымдыр
