Әһли Бејт -АБНА- хәбәр аҝентлијинин вердији хәбәрә әсасән Јахын Шәргдә баш галдырмыш Ислам Ојаныш Һәрәкатынын давамында Әрәбистанын мәзлум Шиә Халгыда өз һүгугларынын мүдафиәсинә галхмышдыр. Лакин тәәссүф илә гејд етмәк лазымдыр ки, халг, динҹ аксијалар чәрчивәсиндә өз иптидаи һүгугларынын бәрпа олмасыны тәләб етсә дә сионистјөнлү Али Сәуд режими вәтәндашларына диван тутмагдадыр. Белә ки, бу анти-бәшәр рәфтарларын гурбанларындан бири дә әл-Әвамијјә шәһәр сакини, 17 јашлы Әбдуллаһ әл-Лаҹамидир. О, 13 ијул тарихиндә Али Сәуд режиминин сионистјөнлү муздурлары тәрәфиндән, она гаршы одлу силлаһдан ачылан ҝүллә нәтиҹәсиндә һәјатын итирмишдир.
Шәһид әл-Лаҹаминин дәфн мәрасими өтән ҝеҹә, 17 ијул тарихиндә баш тутуб. Мәрасим әл-Шәргијјә мәнтәгәсинин бир чох танынмыш Руһаниләринин иштиракы илә кечирилмишдир. Бөјүк издиһамла кечирилән дәфин мәрасими заманы, халг күтләси режимин гејри-инсани сијасәтләринә бир даһа сәсләнмиш, әлләриндә плакартлар тутараг режим әлејһинә мүхтәлиф шүарлар вермишләр.
Халг, гәддар режимдән зинданларда јатан сијаси мәһбусларын азадлығын, дини етигад ајры сешкилијинә сон гојулмасын вә падшаһлыг режиминин дәјишилмәсинә тәләб етмишләр.
Шәһид әл-Лаҹаминин мејјит намазы танынмыш Руһани Һөҹҹәтүл Ислам вәл Мүслимин Шејх Әбдүл Кәрим әл-Ҹәлил-ин имамлығы илә гылынмышдыр.
Һөҹҹәтүл Ислам вәл Мүслимин Шејх Әбдүл Кәрим әл-Ҹәлил намаздан сонра етдији чыхышында демишдир: “Артыг Али Сәуд өз вәһшилијинә сон гојмалыдыр. Јенијетмә икән шәһид едилән Әбдуллаһ әл-Лаҹаминин гатилләри мүтләг өз ҹәзаларына чатмалыдыр. Бу дәһшәтли ҹинајәт гисассыз галмајаҹагдыр...”
Диггәт: Хәбәрдән истифадә етдикдә мәнбәјә истинад лазымдыр
