Танынмыш Ҹәлилабад руһаниси Һаҹы Илгар Әлијевин мәһкәмәси артыг 3 һәфтәдир ки, јубадылыр.Һаҹы Илгар Әлијев сахланылдығы ҝүндән иттиһам олундуғу ҹинајәт мәҹәлләсинин 234.1-ҹи маддәсини гәбул етмәјиб. Бу ҝүнә гәдәр дә, һеч бир кағыза имза атмајыб. Мәһкәмә чох ҝүман Илгар Әлијевин иттиһамы гәбул етмәдијинә ҝөрә јубадылыр. Руһани сахланылдығы ҝүндән шәрләндијини вә үзәринә гојулан маддәни гәбул етмәјәҹәјини дәфәләрлә дејиб.Ҹәлилабадын руһани вә диндарлары Һаҹы Илгарын шәрләнәрәк һәбс олунмасындан чох наразыдыр вә онун тезликлә азадлыға чыхмасыны тәләб едирләр.Ҹәлилабад руһаниси Һаҹы Илгар, 3 һәфтә өнҹә кечирилән мәһкәмәсиндә чыхышында демишди ки, "Һәгигәт будур ки, мән һиҹаба гојулан гадағаја вә ҝеј парада һаглы етиразымы билдирмишәм вә буна ҝөрә дә һәбс олунмушам. Мән өз адымла һәбс олунмаға һазырам. Сизләр Аллаһдан горхун. Инша Аллаһ бир ҝүн ҝәләҹәк бүтүн инсанлар сорғу-суал олунаҹаг."Хатырладаг ки, Ҹәлилабад рајонунун Ҝөјтәпә гәсәбәсинин сакини руһани Һаҹы Илгар Әлијев Евровисион маһны мүсабигәсинин тәркиб һиссәси олан “Ҝеј Парада” кәскин етираз етдији үчүн Феврал ајынын 17-и Ҹүмә намазындан сонра Ҹәлилабад рајон полиси вә Милли Тәһлүкәсизлик Назирлијинин Ҹәлилабад шөбәсинин әмәкдашлары тәрәфиндән сахланылараг полис бөлмәсинә апарылмышды.О, јалан иттиһамларла Ҹинајәт Мәҹәлләсинин 234.1 (Сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) маддәси илә иттиһам олунурду.
14 iyul 2012 - 19:30
Xəbər kodu: 329192
Ҹәлилабад руһани вә диндарлары Һаҹы Илгарын шәрләнәрәк һәбс олунмасындан чох наразыдыр вә онун тезликлә азадлыға чыхмасыны тәләб едирләр
