Әһли Бејт -АБНА- хәбәр аҝентлијинин вердији хәбәрә әсасән Бәһрејн Шиәләринин рәһбәри Ајәтуллаһ Шејх Иса Әһмәд Гасим билдириб ки, Али Хәлифә режими тәрәфиндән олан зоракылыг вә гәддарлыг халг ингилабынын гаршысыны һеч вахт ала билмәјәҹәк, әксинә режимин чөкмәсини сурәтләндирәҹәк.
Имам Садиг адына мәсҹиддә ҹүмә намазында чыхыш едән Ајәтуллаһ Шејх Иса Әһмәд Гасим дејиб ки, Бәһрејн режиминин етиразчылары өлдүрмәсинә вә һәбс етмәсинә бахмајараг ингилаб давам едәҹәк.
Бәһрејн шиәләринин лидери даһа сонра әлавә едәрәк дејиб: “Бәһрејн халгы бу зоракылыглар гаршысында һеч вахт ҝери чәкилмәјәҹәкләр.”
Ајәтуллаһ Шејх Иса Әһмәд Гасим билдириб ки, ингилаби һәракат Бәһрејн халгынын гәлбиндән горхуну апармыш вә сијаси рәсмиләрин нүмајишчиләрә гаршы зоракылыг вә гәддарлығын артмасы ингилаби һәракатын даһа да ҝүҹләнмәсинә сәбәб олуб.
Диггәт: Хәбәрдән истифадә етдикдә мәнбәјә истинад лазымдыр
