Әһли Бејт -АБНА- хәбәр аҝентлијинин вердији хәбәрә әсасән Ермәнистан пајтахты Ирәванда гурани Кәрим” үзрә јарыш кечирилиб.
Гејд олунан јарыш Нимеји Шәбан ҝеҹәси, Имам Саһибә Зәманын (Аллаһ онун зүһурун тезлә.дирсин) анадан олан ҝүнү мүнасибәти илә Ирәванда јерләшән Мәсҹид-и Кабудда (Ҝөј Мәсҹид) кечирилмишдир.
Јарыш Гуран Кәримин Гираәти (Гуранын ҝөзәл охунушу), Тәртили (Гураны тәҹвид гајдасы илә аста нә чох сүрәтлә вә нә јаваш сүрәтлә охунмасы), Мәфаһими (Гурандакы кәлмәләрин мәфһумлары), Һифзи (Гураны әзбәрдән демәк) вә Азан үзрә кечирилмишдир.
Гејд едәк ки, Ирәванда јашајан иранлылар Нимеји Шәбаны тәмтәраһла кечиртмишләр. ИншәАллаһ о ҝүн олсун јурд-јуваларындан гачгын дүшмүш Азәрбајҹанлылар тезликлә ана торпагларына гајыдараг бу бајрамлары ерммәниләрсиз кечиртсинләр. Амин.
Мәсҹид-и Кабуд барәдә гыса анлајыш:
Азәрбајҹанҹа: Ҝөј мәсҹид, Ермәниҹә: Կապույտ Մզկիթ, Капујт Мзкит вә Գյոյ Մզկիթ, Ҝјој Мзкит; Фарсҹа: مسجد کبود,
Мәсҹид-и Кабуд Ермәнистанын пајтахты Ирәванда јерли мүсәлманларын дуа етдикләри мәсҹиддир. 1766-ҹи илдә Ирәван ханы Һүсејн-Әли Ханын әмријлә тикилмишдир вә Азәрбајҹан мемарлыг нүмунәләриндән биридир. Ени 66 метр, узунлуғу 97.2 метр олан Мәсҹид-и Кабуд Ирәван Мәсҹидләри ичәрисиндә өлчүсүнә ҝөрә ән бөјүјү вә Ирәван шәһәринин мәркәзи Ҹаме Мәсҹиди иди.
Чар дөврүндә Ирәванда азәрбајҹанлыларын дуа етдикләри 8 Мәсҹиддән бири иди. Мәсҹид 28 һүҹрә, китабхана, ибадәтҝаһ вә ич һәјәтдән ибарәтдир; вә үмумиликдә 7.000 квадрат метрлик әразидә јерләшир. Икинҹи дүнја мүһарибәсиндән сонра Совет һөкүмәтинин радикал дүнјәви сијасәтинә ујғун олараг һүндүрлүјү 24 метр олан 4 минарәдән 3-ү сөкүлдү вә 1952-дә Мәсҹидин бир һиссәси планетаријә, бир һиссәси исә мәтһәфә дөндәрилмишдир.
Мәсҹид ХХ јүзилдә ермәниләр тәрәфиндән ики дәфә јандырылмышдыр. Илк дәфә 1918-ҹи илдә, сонра исә 1955-ҹи илин мартында азәри дин хадими Маһмуд Арузоғлу, һәјат јолдашы вә 22 нәфәр алим мәсҹиддә ибадәт едәркән.
1995–2006-ҹы мәсҹид Иран Ислам Республикасынын «Ислам Ингилабынын Ветеранлары вә Еһтијаҹлылары Комитәси»нин тикинти ширкәтлинин көмәји илә бәрпа олунуб вә Иран Ислам Республикасынын Ермәнистандакы мәдәнијјәт мәркәзләриндән биринә чеврилмишдир.
Мәсҹидин ҝөрүнтүләрин сизә тәгдим едирик
Диггәт: Хәбәрдән истифадә етдикдә мәнбәјә истинад лазымдыр
