Әһли Бејт -АБНА- хәбәр аҝентлијинин вердији хәбәрә әсасән “Бинә” Тиҹарәт Мәркәзинин саһиби Кәбирә Мәммәдова иҹарәдарлардан 5000 манат “доля” тәләб едир. Адынын чәкилмәсини истәмәјән иҹарәдарлардан биринин вердији мәлумата ҝөрә, Кәбирә Мәммәдова буну бәднам “еуровисион”ла әлагәләндирир.
“Дејир ки, ”еуровисион"а хејли пул хәрҹләмишик, она ҝөрә дә һәрәниз 5000 манат вермәлисиниз. Ким вермәјәҹәксә, дүканы бағлајыб, чыхыб ҝетсин. Һәмчинин дејир ки, ҝуја пулун әвәзиндә бизә “купча” верәҹәк. Һалбуки, базарын инша едилдији әрази онун шәхси мүлкијјәти дејил. Јәни, бу үсулла истәјир ки, тәләб етдији пулу асанлыгла алсын".
Мәнбә әлавә едиб ки, базарда енержи проблеми һәллини тапмаса да, Кәбирә Мәммәдова ишыг пулуну артырыб: “Мағазалара сајғаҹ гурашдырылмајыб. Биз һәр ај 70 манат ишыг пулу верирдик. Инди артырыб 90 манат едибләр. Ишыг пулу артса да, ишығын верилмәсиндә проблемләр вар. Елә ҝүнләр олур ки, үмумијјәтлә базарда ишыг олмур”.
Диггәт: Хәбәрдән истифадә етдикдә мәнбәјә истинад лазымдыр
