Әһли Бејт -АБНА- хәбәр аҝентлијинин вердији хәбәрә әсасән әлијевләр ржиминин Азәрбајҹан Ислам Партијасына гаршы олан һүркүсү бу режими Азәрбајҹан Ислам Партијасынын һәбсдә олан сәдр мүавини Вагиф Абдуллајевин сәһһәтинин писләшмәсинин гаршысыны алмасына белә манеә төрәдир.
Вагиф Абдуллајевин оғлу Елвин Абдуллајев атасынын сәһһәтинин ағырлашмасындан нараһатчылығын билдириб.
“Медиа форум” сајтына ачыгламасында Елвин Абдуллајев дејиб ки, атасынын сәһһәти ағыр олараг галыр. О гејд едиб ки, атасы 12 сајлы Ҹәзачәкмә Мүәссисәсиндә хәстәләниб: “Һәмин мүәссисә ачыг саһәдә јерләшир. Ҝүҹлү күләк, тоз-торпаг атамын астма хәстәлијини ҝүҹләндириб. Онун белә һавалара гаршы аллерҝијасы вар. Бунун да нәтиҹәсиндә онда боғулмалар башлајыб. Үрәји дә ағрыјыр. Һәбс олундуғу илк ајларда инфаркт кечирмишди. Астма тутмалары, јәни боғулмалар онда үрәк ағрыларынын јенидән баш галдырмасына сәбәб олуб. Вәзијјәти ағыр олдуғуна ҝөрә ону мүалиҹә мүәссисәсинә көчүрүбләр”.
Елвин Абдуллајев атасы илә ҝөрүшә ајда ҹәми бир дәфә иҹазә верилдијини дејиб: “Мајын 31-дә ҝөрүшдүк. Әлавә ҝөрүш үчүн лазыми инстансијаја мүраҹиәт едиб-етмәмәји вәкиллә мәсләһәтләшдикдән сонра мүәјјәнләшдирәҹәјик”.
Вагиф Абдуллајев мөвҹүд әлијевләр режиминин Бакы Ағыр Ҹинајәтләр Мәһкәмәсинин әдаләтсиз гәрары илә 11 ил мүддәтинә азадлыгдан мәһрум едилиб. Режимин Бакы Апеллјасија Мәһкәмәси әдаләтсиз гәрары гүввәдә сахлајыб.
О, әнәнәви олараг режимин Ҹинајәт Мәҹәлләсинин 214.2.1 (Габагҹадан әлбир олан бир груп шәхс, мүтәшәккил дәстә вә ја ҹинајәткар бирлик (ҹинајәткар тәшкилат) тәрәфиндән ҹинајәтә һазырлыг); 214.2.3 (Одлу силаһдан вә силаһ гисминдә истифадә олунан предметләрдән истифадә етмәклә ҹинајәтә һазырлыг); 228.3 (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә); 278-ҹи (Һакимијјәти зорла әлә кечирмә вә ја ону зорла сахлама) маддәләри илә тәгсирли билиниб.
Диггәт: Хәбәрдән истифадә етдикдә мәнбәјә истинад лазымдыр
