Әһли Бејт -АБНА- хәбәр аҝентлијинин вердији хәбәрә әсасән Иран Ислам Ингилабы Кешикчиләр Корпусу Сепаһын Аеронавтика гүввәләри команданы Иранын әтрафында Американын 35 базасынын мөвҹуд олдуғуна тохунараг дејиб: Бу базаларын һамысы Иран ракетләринин радиусундадыр.
Иран Ислам Ингилабы Кешикчиләр Корпусу Сепаһын Аеронавтика гүввәләри команданы ҝенерал-мајор Әмирәли Һаҹызадә ишғал олунмуш Фәләстин әразиләринин дә Иран ракетләринин радиусунда олдуғуну гејд едәрәк дејиб: Базаларын јарадылмасы вә ракетләрин јерләшдирилмәси илә Ирана гаршы еһтимал олунан һүҹумун илк дәгигәләриндә бу базаларын һамысынын тамамилә мәһв едилмәси үчүн тәдбирләр дүшүнүлүб.
Ҝенерал-мајор Һаҹызадә Пејғәмбәр Әзәм-7 ири мигјаслы ракет һәрби тәлимләриндә баллистик ракетләрин уғурла һәдәфә атылмасы барәсиндә дә дејиб: Әлдә олунан мәлуматлара ҝөрә, бу ракетләр Иранын мүхтәлиф мәнтәгәләриндән атылыб вә өнҹәдән тәјин олунмуш реҝиондан кәнар өлкәләрин һава базаларына охшар ваһид бир һәдәфи вурублар.
Ирана гаршы тәзјигин тәтбиг олунмасы илә бағлы Гәрбин сәји әснасында Иран Ислам Республикасынын ракет һәрби тәлимләри кечирмәси сионистләр арасында ниҝаранлыг јарадыб.
Сионист Јадиот Аһарнот гәзети бу барәдә јазыб: Авропа Бирлијинин нефт ембарголарыны иҹра етмәсиндән бир ҝүн сонра Иран Пејғәмбәр Әзәм-7 ири мигјаслы ракет һәрби тәлимләринә башлады.
Медиаларын чәршәнбә ахшамы ҝүнү Исраил режимини һәдәфә ала биләҹәк баҹарыға малик ракетләрин сынагдан кечирилмәсини хәбәр вердикдән сонра сионистләрин горхусу икигат артды.
Франса Информасија Аҝентлијинин мәлуматына ҝөрә, 2 мин километр радиуслу Шәһаб-3 типли ракетләрин уғурла сынагдан кечирилмәси Иранын Исраил режимини һәдәфә алмаг потенсиалына малик олмасы мәнасындадыр.
Әрәб медиалары да Пејғәмбәр Әзәм-7 һәрби тәлимләрини Иранын дүшмәнләр, хүсусилә дә АБШ вә Исраилә, еләҹә дә гәрбин нефт вә банк саһәсиндә јени тәзјигинин јарарсызлығы барәсиндәки хәбәрдарлығы һесаб едибләр.
Гәтәрин әл-Ҹәзирә пејк телеканалы билдириб: Ирана гаршы Авропа Бирлијинин нефт ембарголарынын башланмасы илә јанашы Ислам Ингилабы Кешикчиләр Корпусунун ракет һәрби тәлимләри кечирмәкдә мәгсәди бу ембарголары проблемлә үзләшдирмәкдир.
Руссиа-Тодај пејк телеканалынын әрәб дилли хидмәти дә бир репортажда билдириб: Иран Авропа Бирлијинин нефт ембарголарыны иҹра етмәси илә јанашы ракет нөвләрини сынагдан кечирмәклә Пејғәмбәр Әзәм-7 һәрби тәлимләринә башлајыб.
Әрәб мәтбуатында әл-Шәрг әл-Әвсәт гәзети дә јазыб: Пејғәмбәр Әзәм-7 һәрби тәлимләри Ирана гаршы Авропа Бирлијинин ембарголарынын башланмасы вә Истанбулда нүвә мәсәләси үзрә експертләрин мүзакирәләри илә јанашы кечирилир.
Иран Ислам Ингилабы Кешикчиләр Корпусунун ракет һәрби тәлимләринин дүнја медиаларында әкс олунмасында диггәти ҹәлб едән мәсәлә Авропа Бирлијинин Ирана гаршы нефт ембарголарына башламасы илә јанашы бу һәрби тәлимләрин кечирилмәсидир.
Диггәт: Хәбәрдән истифадә етдикдә мәнбәјә истинад лазымдыр
