Әһли Бејт -АБНА- хәбәр аҝентлијинин вердији хәбәрә әсасән Сурија информасија назири Омран Әл Зуби “А Хәбәр” програмына зәнҝ едәрәк билдириб ки, "Билирсиниз, јашадығымыз бөлҝәдә Исраил кими бир өлкә вар. Түрк тәјјарәләри илә Исраил тәјјарәләри бир-биринә бәнзәјир. Исраил тәјјарәси Суријаја ҝирсә, вурулаҹаг. Түркијәнин тәјјарәси Исраил тәјјарәси һесаб едилиб. Биз түрк тәјјарәсини вурмаг истәмәмишик”.
Суријалы назир әлавә едиб ки, иткин дүшән ики пилот һаггында һеч бир мәлуматлары јохдур: "Бу вахта гәдәр ики пилотла әлагәдар олараг һеч бир шеј јохдур. Бизим истәјимиз онларын сағ-саламат олмасыдыр. Түркијә вә Сурија әлагәләринин даһа јахшы бир нөгтәдә олмасыны арзу едирәм. Түркијә тәјјарәси Сурија бөлҝәсинә ҝирмишдир. Мәҹһул бир һәдәф олараг ҹаваб верилмишдир. Түркијәнин тәјјарәси олдуғу үчүн вурулмамышдыр. Түркијә халгы бизим гардашларымыз вә јолдашларымыздыр. Бу мәсәләни бу чәрчивәдә анламаныз лазымдыр. Һәрби чәрчивәдә дә бир сүкунәт шәртдир".
Диггәт: Хәбәрдән истифадә етдикдә мәнбәјә истинад лазымдыр
