Әһли Бејт -АБНА- хәбәр аҝентлијинин вердији хәбәрә әсасән Сәудијјә Әрәбистан кралы Абдуллаһ өлмүшдүр. Анҹаг бөлҝәдәки гијамлар вә Орта шәргдәки дахили ҝәрҝинликләрдән еһтијатланан сионист гүввәләри вә Әрәбистан рәсмиләри һәләлик кралын өлдүјүнү халгдан ҝизли сахлајырлар.
Гејрирәсми хәбәрләрә ҝөрә Әрәбистан кралы Абдуллаһ, дүнән 29 ијун тарихиндә елә өз истираһәт игамәтҝаһындаҹа дүнјасын дәјишмишдир.
Бәзи Әрәб сајтлары Сәудијјә ордусунда вәзифә борҹуну јеринә јетирән бүтүн забитләр вә персоналларын иҹазәләринин ләғв едилдијини дә јазыб.
КРАЛ АБДУЛЛАҺ КИМДИР?
Крал Абдуллаһ бин Абдул Әзиз, Али Сәуд ханәданлығынын гуруҹусу Абдул Әзиз Али Сәудун 10-ҹу оғулу вә Әрәбистанын алтынҹы кралы иди.
Крал Абдуллаһ, гардашы Крал Фәһт бин Абдүл Әзизин өлүмүндән сонра 2005-ҹи илдә рәсми олараг Әрәбистан кралы тәјин едилмишдир.
Крал Абдуллаһ 1924-ҹи илин август ајында Ријадда дүнјаја ҝәлиб. 1975-ҹи илдә Әрәбистан баш назиринин икинҹи мүавин вәзифәсиндә чалышмыш, 1982-ҹи илдә исә Әрәбистанын вәлиәһдлијинә сечилмишдир. Әлбәттә бөјүк гардашы крал Фәһтын ағыр хәстәлијиндән өтәри 1995-ҹи илдә кралын бүтүн вәзифәләрини өһдәсинә ҝөтүрәрәк, кралын бүтүн сәлаһијјәтләрини иҹра етмиш вә Әрәбистаны идарә етмәјә башламышдыр.
Крал Абдуллаһ, јүксәк тәзјиг, бел кәмәр ағрылары вә дөзүмү чәтин олан мүхтәлиф ағыр хәстәликләрдән әзијјәт чәкирди.
Крал Абдуллаһ, Наиф бин Абдул Әзизин өлүмүндән сонра 77 јашлы гардашы, Салман бин Абдул Әзизи өлкәнин вәлиәһди олараг тәјин етмишди.
АХЫР ЗАМАН ҺАГГЫНДАКЫ ҺӘДИСЛӘР ВӘ КРАЛ АБДУЛЛАҺын ӨЛҮМҮ
Бәзәнти, Имам Рызадан (әлејһи сәлам) белә бир рәвајәт нәгл етмишдир: "Фәрәҹин (имам Меһдинин зүһуру) әламәтләриндән биридә Мәккә вә Мәдинә һәрәмләри арасында јашанаҹаг бир һадисәдир. Филан сүлалә дә бир ихтилаф чыхаҹаг вә чәтинликләр јашанаҹаг, Сүфјани ортаја чыхаҹаг. Чәтинликләр баш галдыраҹаг вә халг гырғынлары баш верәҹәк. Онлар Аллаһын вә Пејғәмбәрин (сәлләллаһу әлејһи вә алиһ) һәрәминә сығынаҹаглар".
Һәдисдә дә ҝөрүндүјү кими (бундан әлавә дә бир чох һәдисләр вар) һиҹаздакы сон сүлалә "филан" сүлалә дејә бәһс едилир. Алимләрин нәзәријјәсинә ҝөрә Имамлар (әлејһимус сәлам) ахыр заман һаггындакы һәдисләриндә һиҹазын сон сүлаләси һаггында "филан оғуллары" вә ја "филан сүлалә" дејә тәбирләрдән истифадә едәрәк, ачыгҹа сүлаләнин адыны дилә ҝәтирмәјибләр. Бунун сәбәби Әрәбистанда һөкм сүрән сүлаләләрин бу һәдисләри өзләринә шәрһ вә тәтбиг етмәмәләри үчүндүр. Чүнки һеч бир сүлалә Мәсум Имамларын (әлејһимус сәлам) һәдисләриндә бујурдуглары сон сүлалә олмаг истәмәмәләри кими, бу Әһли-Бејт (әлејһимус сәлам) тәрәфдарлары ичиндә бәзи призмалардан ујғун дејилдир.
Мәсум Имамлардан (әлејһимус сәлам) нәгл едилән һәдисләрдә јалныз “филан сүлалә” вә ја “филан оғуллары” тәбирләриндән истифадә едилмәјиб, бәзи һәдисләрдә Әрәбистанын сон кралынын ад вә хүсусијјәтләри дә ифадә едилмәкдәдир. Сүлалә вә сон крал арасында фәрг вар. Белә ки, һәдисләрдә Әрәбистанын сон кралынын ады Абдуллаһ олаҹағы билдирилмишдир.
Имам Ҹәфәр Садиг (ә.с) белә бујурмушдур: "Һәр ким Абдуллаһын өлүмүнү мәнә зәманәт едәрсә мән дә она Гаимин (Имам Меһдинин) (әлејһи салам) зүһуруну она зәманәт едәрәм". Даһа сонра белә бујурмушдур: "Абдуллаһ өлдүкдән сонра, халг һөкумәт гурмасы үчүн һеч кимин үзәриндә (һаким олмаг үчүн) разылыға ҝәлмәјәҹәк. Бу анлашылмазлыг вә гаршыдурма Аллаһын истәјијлә Саһибул Әмрә (Имам Меһдијә) (әлејһи салам) гәдәр давам едәҹәк. Нечә иллик (јәни узун узады сүрән) һөкумәтләр сона чатаҹаг. Вә артыг бир нечә ајлыг вә бир нечә ҝүнлүк һөкумәтләр гурулмаға башланаҹаг".
Һәдиси нәгл едән рави дејир ки Имамдан (әлејһис сәлам) сорушдум: "Ҝөрәсән бу вәзијјәт узунму сүрәҹәк"
Бујурду ки: "Әсла"
ABNA.IR
Диггәт: Хәбәрдән истифадә етдикдә мәнбәјә истинад лазымдыр
