Әһли Бејт -АБНА- хәбәр аҝентлијинин вердији хәбәрә әсасән бу ҝүн 28 ијун тарихиндә “Милли-Мәнәви Дәјәрләр” Иҹтимаи Бирлијинин сәдри Меһди Мәммәдовун гондарма мәһкәмәси кечирилиб.
Гондарма һаким иҹласы саат 12:00-а елан етсә дә, мәһкәмә саат 11:00-да ҝизли шәкилдә кечирилиб.
Гондарма мәһкәмәнин кечирилмә саатындан һеч вәкилин дә мәлуматы олмајыб. Гондарма мәһкәмә иҹласында һеч ким иштирак едә билмәјиб. Ујдурма иҹлас битдикдән сонра гондарма мәһкәмә ишчиләриндән бири ора топлашан диндарлара дејиб ки, мәһкәмә битиб вә һаким Меһди Мәммәдова 2 ил азадлыгдан мәһруметмә ҹәзасы вериб. Меһди Мәммәдов ҹәзасыны үмуми ҹәзачәкмә мүәссисәсиндә чәкәҹәк.
Һаҹы Меһди Мәммәдов гондарма мәһкәмә иҹласында сон сөз олараг чыхыш едиб.
Меһди Мәммәдовун чыхышында дејиб: “Аллаһын саламы олсун Пејғәмбәр вә онун пак Әһли-бејтинә. Илк өнҹә сөзүмү Гурани Кәримин ајәси илә башламаг истәјирәм. Аллаһ, Гурани-Кәримин Әнфал сурәсинин 36-ҹы ајәсиндә бујурур ки, “Һәгигәтән кафирләр өз малларыны инсанлары Аллаһ јолундан сахламаг үчүн хәрҹләјәрләр. Тезликлә һамысыны хәрҹләјәҹәкләр, амма бу онлар үчүн һәсрәт дағы олаҹагдыр вә даһа сонра мәғлуб олаҹаглар”. Чох тәәссүф һисси илә дејирәм ки, Азәрбајҹан мүсәлман мәмләкәти ола-ола вә әһалисинин 80 % шиә ола-ола ајәдә бујурулдуғу кими инсанлары Аллаһ јолундан сахламаг истәјән кәсләр мөвҹуддур вә беләләринин ичиндә дөвләт мәмурлары башчылыг едир. Мән бу сөзүмү сон 3-4 ил әрзиндә мүгәддәс Ислам дининә вә мүсәлманлара олан тәзјигә әсасланыб дејирәм вә буна мисал олараг Ислам динин мүгәддәсатларындан олан азана гадаға, мәсҹидләрин сөкүлмәси вә ики илдир ки, орта мәктәбләрдә баш өртүсүнә гојулан гадағаны ҝөстәрә биләрәм. Һаҹы Мөвсүм, Һаҹы Абҝүл, Һаҹы Тале, Һаҹы Фәрамиз кими алимләримизин, сырави диндарларымызын һәјасызҹасына ләкәләнәрәк зинданлара салынмасы буна дәлил вә сүбутдур. Ислам һөкмләрини данан, мүгәддәс ајинләри ҝизләдәрәк мәһв етмәк истәјән адамларла мүбаризә апарылмалыдыр. Бу Азәрбајҹандакы мүсәлман вәтәндаш ҹәмијјәтинин Аллаһ гаршысында өһдәчилији вә вәзифәсидир. Үзүмү јухарыда отуранлара тутуб дејирәм ки, әҝәр бу ҝүн бизләри зинданлара атыб сусдурмаг вә јахудда Аллаһын дининин мүдафиәсиндән сахламаг истәјирсинизсә, чох јанлыш вә азғын фикирдәсиниз. Чүнки Әнфал сурәсинин 22-ҹи ајәсиндә Аллаһ тәала бујуруб ки, “Һәгигәтән Аллаһ јанында тәрпәнән ҹанлыларын ән писи дүшүнмәјән, һаггы ешитдикдә кар вә һаггы демәкдә лал олан инсанлардыр. Полис бөлмәсиндә мәнә әмәлијјатчы дејир ки, “Ирана ишләјирсән. Ирандан 130 мин манат пул ҝәтирмисән.” Бу ҝүн диндарлары ҝөздән салмаг, ләкәләмәк үчүн Иран дамғасы вурурлар. Унутмајын ки, 70 ил коммунист дөврүндә бизим динимизи горујуб сахлајан кишиләримиз олуб. Биз о кишиләрин ардыҹылларыјыг. Бу ҝүн биз Ирана јох, Гурана сөјкәнирик. Гуран бизим һәјат китабымыздыр. Биз јашајышымызы Гуранла тәмин едирик. Бу ҝүн халга зүлм етмәклә ҝүҹүнүзә ҝүвәнмәјин. Пејғәмбәримиз бујурур ки, ән ҝүҹлү инсан халга галиб ҝәлән јох, нәфсинә галиб ҝәләндир. Үзүмү бир даһа јухарыда отуранлара тутуб дејирәм ки, биз нәинки азадлығымызындан, һәтта ҹанымыздан да кечәрик, динимизи, мүгәддәсатымызы өз ганымызла мүдафиә едәрик. Бу ишдә дә бизә јардымчы аләмләрин рәбби олан Аллаһымыздыр. Гурани-Кәримдә буна Аллаһын вәдәси вар. Рум сурәси 47-ҹи ајәдә дејилир: “Мөминләрә даим көмәк етмәк Бизим өһдәмиздә олан бир һаггдыр вә ваҹибдир. Гәләбә јалныз мөминләриндир.”
Гондарма һаким тәшкилат сәдринә 2 ил азадлыгдан мәһруметмә ҹәзасы вериб.
Хатырладаг ки, Јаланчы дөвләт иттиһамчысы Һаҹы Меһди Мәммәдова 2 ил 6 ај һәбс ҹәзасы истәмишди.
Диггәт: Хәбәрдән истифадә етдикдә мәнбәјә истинад лазымдыр
