Әһли Бејт -АБНА- хәбәр аҝентлијинин вердији хәбәрә әсасән Милли Мәҹлисин һаким Јени Азәрбајҹан Партијасындан олан депутаты Елдар Ибраһимов фикир билдирәркән дејиб: “Вахтилә Јени Азәрбајҹан Партијасыны сајамајан, ЈАП-а гуллуг етмәјән адамлар инди партијанын ҝүҹүнү ҝөрүб јалтаглыг едир, мәддаһлыгла мәшғул олурса, гој олсун, бунун бизә һеч бир зәрәри јохдур”.
Ибраһимов дејиб ки, ЈАП-а үмумиликдә Һејдәр Әлијев сијасәтини бәјәнән, гәбул едән инсанлар үзв олур.
Онун фикринҹә, һакимијјәтә, партијаја сәдагәтли инсанлар лазымдыр: “Фикримҹә бурада ән биринҹи мејар садиглик, садиглик вә јенә дә садигликдир. Мәддаһ адамлар да лазымдыр ки, бизи тәрифләсинләр, мәддаһ етсинләр. Онсуз да партија, һакимијјәт дә билир ки, ким мәддаһдыр, ким дә үрәкдән, садигликлә она бағлыдыр”.
ЈАП-чы депутат јалтаглығы мәнфи хүсусијјәт сајса да, кимләринсә бу ҹүр давранмасында зәрәр ҝөрмүр: “Јалтагланмаг, мәддаһлыг етмәк ҹәмијјәтимизә вә инсанлара јарашмајан бир һалдыр. Киминсә хасијјәтиндә, ҹанында мәддаһлыг етмәк варса, гој етсин, онун бир зәрәри јохдур”.
Диггәт: Хәбәрдән истифадә етдикдә мәнбәјә истинад лазымдыр
