Әһли Бејт -АБНА- хәбәр аҝентлијинин вердији хәбәрә әсасән әлијевләр режими Иран Ислам Һакимијјәтинин ән ҝәддар сектасы сајылан, сионист вә АБШ дөвләтинин һимајәсиндән бәһрәләнән Мүнафигләр (“халг мүҹаһидләри”) Террорчу Тәшкилаты гүввәләрини өлкә әразисиндә јерләшдириб.
Әлдә етдијимиз мәлумата ҝөрә, Ирагдан Азәрбајҹана көчүрүлән 800 нәфәр мүҹаһид һазырда Минҝәчевир вә Дашкәсән шәһәрләриндә јерләшдирилиб. Мүнафигләрин мүәјјән бир чәрчивә әсасында Ирагдан чыхарылмасына башланылдыгдан сонра Азәрбајҹан Республикасынын сионист режимлә јахшы әлагәләрини нәзәрә алараг Тел-Әвив рәсмиләри илә данышыглардан сонра мүнафигләр групунун нүмајәндәси Азәрбајҹан Республикасында јерләшдирилди.
2011-ҹи илдә Ирагдан чыхарылан Мүнафигләр Террорчу Тәшкилаты үзвләри автобусларла Ирагын Күрдүстан мухтаријјәти, Түркијә, Ҝүрҹүстандан кечмәклә Азәрбајҹанын Ҝәнҹә шәһәринә ҝәтирилибләр, даһа сонра Дашкәсән вә Минҝәчевирә ҝәтиздирилибләр.
Тел-Әвивин разылығы илә мүнафигләрин али шурасынын үзвү Сәнабәрг Заһиди 2012-ҹи ил мајын сонунда Бакыја ҝәләрәк даһа 2 мин мүнафигин бурада јерләшдирилмәси үчүн Азәрбајҹан рәсмиләри илә данышыглар апарыб, разылыг әлдә едиб. Әлдә олунмуш разылыға ҝөрә, бу ики шәһәрдә јерләшдирилмиш мүнафигләрә јүксәк сәвијјәдә партизан савашы, ҹасуслуг етмәк, бомба гојмаг, коммуникасија фәалијјәтләри вә террорчу әмәлијјатлар кечирмәк барәдә тәлимләр вериләҹәк ки, лазым оланда Иранын дахилинә ҝөндәрилсинләр.
Диггәт: Хәбәрдән истифадә етдикдә мәнбәјә истинад лазымдыр
