Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Кәшфијјат Назирлијинин – ЕТТЕЛААТ-ын рәһбәри Һејдәр Мослеһи ијунун 17-дә журналистләрә ачыгламасында өлкәнин нүвә алимләринин террор едилмәсиндә иштиракы олан 20 нәфәрин тутулдуғуну билдириб.
Тутуланларын кимлији һагда ачыглама вермәјән ҹәнаб Мослеһи сахланыланлара гаршы ирәли сүрүлән иттиһамлара тохунуб: “Һазырда һәмин шәхсләрин иши арашдырылыр. Онлара гаршы ирәли сүрүлән иттиһамларын сүбута јетирилмәси үчүн бир аз вахт лазымдыр. Үмуми шәкилдә ону дејә биләрәм ки, тутуланлара гаршы ирәли сүрүлән иттиһамлар ЕТТЕЛЛААТ-ын мәсәлә илә бағлы сон бәјанатында ҝөстәриләнләрдән гат-гат чохдур.
Биз нүвә алими Мәсуд Әлимәһәммәдини шәһид едән террорчу шәбәкәнин әсас үзвүнү – Мәҹид Ҹамали Фәшини тутсаг да, шәбәкәнин диҝәр үзвләрини тута билмәмишдик. Лакин ҝениш ахтарыш әмәлијјатлары нәтиҹәсиндә Мәҹид Ҹамали Фәшинин террор шәбәкәсиндә фәалијјәт ҝөстәрән бир сыра адамлары тута билдик”.
Мослеһи дејиб ки, АБШ, Бөјүк Британија вә гејри легал режим олан исраил нүвә алимләрини шәһд етмәк үчүн Иран Ислам Республикасы илә гоншу олан өлкәләрдән биринин әразисиндән истифадә едибләр: “Әлбәттә, әминик ки, террорчулуг ишләри һәмин гоншу өлкә һөкумәтинин иҹазәси илә апарылмајыб, гоншу өлкәнин һөкумәти бу ишләрдән хәбәрсиз олуб. Әлдә етдијимиз мәлуматлара ҝөрә, террорчулар һәмин гоншу өлкәнин әразисиндән ишғал олунмуш әразиләрә (гејри легал режим олан исраил нәзәрдә тутулур) ҝедиб-ҝәлмәк, силаһ вә партлајыҹы маддә дашымаг үчүн истифадә едибләр.
Бу, аҹы бир ҝерчәкликдир вә һөкумәтләр бу проблемә чарә тапмалыдыр. Һеч бир гоншу белә вәзијјәтә дөзмәз. Әлбәттә, бундан әввәл дә АБШ, Инҝилтәрә вә ишғалчы исраил режиминдән ибарәт “Хәбис Үчбуҹағ”ын бир сыра гоншу өлкәләрин әразисиндән истифадә етдији бәлли иди. Артыг гәрара алмышыг ки, индән белә бу кими һалларла бағлы тәдбир ҝөрәк, лазыми хәбәрдарлыглары чатдыраг”.
Иранын нүвә алими Мәсуд Әлимәһәммәди 2010-ҹу ил јанварын 12-дә Теһранда гәтлә јетирилиб. Бу гәтлә ҝөрә едама мәһкум едилән Мәҹид Ҹамали Фәши мајын 15-дә Теһранда дар ағаҹындан асылыб. Мәҹид Ҹамал Фәши тәһгигат заманы онун Бакыја чағырылараг орада “Хәбис Үчбуҹағ”ын рәсмиләри лә ҝөрүш кечиртмәсин рәсмән етираф етмишдир.
Диггәт: Хәбәрдән истифадә етдикдә мәнбәјә истинад лазымдыр
